លោក Oleg Ignasyuk អនុប្រធានមជ្ឈមណ្ឌលរុស្ស៊ីសម្រាប់ការផ្សះផ្សានៃភាគីប្រឆាំងនៅក្នុងប្រទេសស៊ីរី បាននិយាយកាលពីថ្ងៃពុធថា យន្តហោះរបស់កងកម្លាំងចម្រុះដឹកនាំដោយសហរដ្ឋអាមេរិក បានរំលោភលើដែនអាកាសរបស់ប្រទេសស៊ីរី នៅក្នុងតំបន់ al-Tanf ចំនួន ៨ដង ក្នុងកំឡុងពេលមួយថ្ងៃកន្លងទៅនេះ។

លោកបាននិយាយថា៖«យន្តហោះរបស់ក្រុមចម្រុះប្រឆាំងភេរវកម្មអន្តរជាតិ ដែលដឹកនាំដោយសហរដ្ឋអាមេរិក បន្តបង្កើតស្ថានការណ៍ដ៏គ្រោះថ្នាក់ ដែលអាចបណ្តាលឲ្យមានឧបទ្ទវហេតុតាមអាកាស ឬឧបទ្ទវហេតុ និងធ្វើឲ្យស្ថានការណ៍នៅក្នុងដែនអាកាសរបស់ស៊ីរី កើនឡើងកាន់ខ្លាំងឡើង»។ «យន្តហោះចម្បាំង F-15ចំនួនពីរគ្រឿងរបស់សម្ព័ន្ធមិត្ត និងយន្តហោះទម្លាក់គ្រាប់បែក A-10 Thunderbolt ចំនួន ៦គ្រឿង បានបំពានដែនអាកាសរបស់ប្រទេសស៊ីរី នៅក្នុងតំបន់ al-Tanf ដែលជាផ្លូវអាកាសអន្តរជាតិ ចំនួន៨ដង ក្នុងមួយថ្ងៃ»។

យោងតាមលោក Ignasyuk ការបំពានពីរចំពោះកិច្ចព្រមព្រៀងនៃការបន្ធូរបន្ថយជម្លោះថ្ងៃទី ៩ ខែធ្នូ ឆ្នាំ ២០១៩ ដែលភ្ជាប់ជាមួយនឹងការហោះហើរដោយយានដ្រូនរបស់ចម្រុះដឹកនាំដោយសហរដ្ឋអាមេរិក ត្រូវបានរាយការណ៍នៅ ក្នុងប្រទេសស៊ីរីក្នុងរយៈពេល ២៤ម៉ោងកន្លងទៅនេះ។