កងកម្លាំងអ៊ីស្រាអែល បានបង្កើនការវាយប្រហារនៅទូទាំងតំបន់វេសបែង ដែលយ៉ាងហោចណាស់ ជនជាតិប៉ាឡេស្ទីន ៧នាក់ រួមទាំងកុមារពីរនាក់ បានរងរបួស។

យោងតាមទីភ្នាក់ងារសារព័ត៌មាន Wafa បានឲ្យដឹងថា កងកម្លាំងអ៊ីស្រាអែល បានវាយឆ្មក់ចូលជំរំជនភៀសខ្លួន Qalqilya នៅជិតទីក្រុង Nablus កាលពីយប់ថ្ងៃពុធ ដោយបានបាញ់ឲ្យរបួសជនជាតិប៉ាឡេ   ស្ទីនពីរនាក់ ដែលអ្នកទី១ ត្រូវចំខ្នង និងអ្នកទី២ ត្រូវជើង។

សារព័ត៌មាន Wafa បានរាយការណ៍ថា នៅក្នុងការប៉ះទង្គិចគ្នានៅជំរុំជនភៀសខ្លួន Askar ការបាញ់ប្រហាររបស់អ៊ីស្រាអែល បានបង្កឲ្យមនុស្ស ៥នាក់រងរបួស ក្នុងនោះមានក្មេងពីរនាក់ ដែលមានអាយុ ១៥ និង ១៣ឆ្នាំ។

ការវាយប្រហារដោយឡែកពីគ្នាដោយអ្នកតាំងលំនៅរបស់អ៊ីស្រាអែលនៅជិតកន្លែងតាំងលំនៅ Beit El ខុសច្បាប់ នៅភាគខាងជើងទីក្រុងរាម៉ាឡា( Ramallah) បានធ្វើបណ្តាលឲ្យស្ត្រីប៉ាឡេស្ទីនម្នាក់ រង      របួស។

សារព័ត៌មាននេះ រាយការណ៍ថា ជនរងគ្រោះមានឈ្មោះ Tasneem Faraj ត្រូវបានបញ្ជូនទៅមន្ទីរពេទ្យ បន្ទាប់ពីក្បាលរបស់គេ ត្រូវនឹងដុំថ្ម ដែលបានគប់ដោយអ្នកតាំងលំនៅ។