នៅថ្ងៃព្រហស្បតិ៍នេះ ក្រុមនគរបាលកេនយ៉ា បានបាញ់ឧស្ម័នបង្ហូរទឹកភ្នែក ដើម្បីបំបែកហ្វូងបាតុករប្រឆំាងរដ្ឋាភិបាលមកពីតំបន់ភាគកណ្តាលរដ្ឋធានីណៃរ៉ូប៊ី ស្របពេលដែលចលនាបាតុកម្មរបស់ពួកគេ ស្វែងរកទុនសម្បទាន និងបង្ខំឲ្យលោកប្រធានាធិបតី William Ruto លាលែងពីតំណែង ។

បាតុកម្មទូទាំងប្រទេសដឹកនាំដោយក្រុមយុវជន បានចាប់ផ្តើមដោយស្ងៀមស្ងាត់កាលពីខែមិថុនា មុនពេលប្រែក្លាយជាអំពើហិង្សា និងបានសម្លាប់មនុស្សជាង ៥០នាក់ ។

ហាងត្រូវបានបិទទ្វារ ហើយដងផ្លូវត្រូវបានបោះបង់ចោល ក្រោយនគរបាលបង្រ្កាបកុបកម្ម បង្កើតប៉ារ៉ាស់តាមផ្លូវ និងគប់បំពង់ឧស្ម័នបង្ហូរទឹកភ្នែក ដើម្បីបំបែកក្រុមបាតុករ នៅទូទាំងសង្កាតហិរញ្ញវត្ថុនៅក្នុងទីក្រុងណៃរ៉ូប៊ី ។

អ្នកសារព័ត៌មានរបស់ទីភ្នាក់ងារព័ត៌មានរ៉យទ័រ រាយការណ៍ថា នគរបាល បានបាញ់ឧស្ម័នបង្ហូរទឹកភ្នែកលើហ្វូងបាតុកររាប់សិបនាក់ ដែលបានស្រែកពាក្យស្លោកថា លោក Ruto ត្រូវតែចុះចេញពីតំណែង ៕