ពលរដ្ឋប៉ាឡេស្ទីន ត្រូវបានគេមើលឃើញកំពុងតម្រង់ជួរដើម្បីទទួលយកជំនួយស្បៀងអាហារនៅក្នុងជំរំជនភៀសខ្លួន Jabalia ក្នុងតំបន់ហ្កាហ្សា កាលពីថ្ងៃព្រហស្បតិ៍។

ប្រជាជនបានប្រញាយគ្នាដើម្បីដណ្តើមយកស្បៀងអាហារ ដែលត្រូវបានផ្តល់ឲ្យដោយទីភ្នាក់ងារជំនួយ និងការងាររបស់អង្គការសហប្រជាជាតិ (UNWRA) ក្នុងពេលមានការខ្វះអាហារធ្ងន់ធ្ងរនៅក្នុងទីក្រុងដែលត្រូវបានហ៊ុមព័ទ្ធ។

លោក Mohamed Badr បានមកតម្រង់ជួររយៈពេលជាង៣ម៉ោង ដើម្បីទទួលយកសាច់មាន់បង្កកចំនួន២ដុំ សម្រាប់គ្រួសាររបស់លោក ដែលមានសមាជិក១១នាក់។

លោក Badr បាននិយាយថា សូមអរគុណដល់ព្រះ បន្ទាប់ពីមានការហ៊ុមព័ទ្ធ ការបាញ់គ្រប់រ៉ូកែត និងសង្រ្គាមរយៈពេលដប់ខែ ទីបំផុត ពួកគេបានផ្តល់សាច់មាន់ មកឱ្យយើងហើយ។

ពលរដ្ឋប៉ាឡេស្ទីន បានប្រឈមទៅនឹងវិបត្តិភាពអត់ឃ្លាន បន្ទាប់ពីវិបត្តិចាប់តាំងពីជម្លោះបានផ្ទុះឡើងរវាងអ៊ីស្រាអែលនិងក្រុមសកម្មប្រយុទ្ធហាម៉ាសប៉ាឡេស្ទីន កាលពីខែតុលា។

ក្រៅពីការវាយប្រហារតាមអាកាសរបស់អ៊ីស្រាអែល ការបាញ់ផ្លោង និងការវាយលុកតាមជើងគោក ប្រជាជនប៉ាឡេស្ទីន ត្រូវបានជាប់គាំងដោយការខ្វះស្បៀងអាហារ ប្រេង ទឹកទទួលទាន ឱសថ និងដំណើរការនៅតាមមន្ទីរពេទ្យ។