​ហ្វីលីពីន​៖ ព្យុះ​ទី​ហ្វុ​ង​ដ៏​ខ្លាំងក្លា​មួយ​បាន​បោកបក់​ មកលើ​ភាគ​ខាងកើត​ប្រទេស​ហ្វីលីពីន​កាលពី​ថ្ងៃ​អង្គារ​ ដោយ​នាំមក​នូវ​ខ្យល់​បក់​ខ្លាំងដែល​បណ្តាលឱ្យ​មានការ​ដាច់​ចរន្តអគ្គិសនី​នៅក្នុង​ខេត្ត​មួយចំនួន​។

មន្ទីរ​អាកាសធាតុ​រដ្ឋបាន​និយាយថា ព្យុះ​ទី​ហ្វុ​ង Conson ដែលមាន​កម្លាំង ១២០គីឡូម៉ែត្រ​ក្នុង​មួយ​ម៉ោង មាន​ល្បឿន​ខ្យល់​រហូតដល់ ១៥០គីឡូម៉ែត្រ​ក្នុង​មួយ​ម៉ោង ជា​ព្យុះ​ដែល​បន្ទាបខ្លួន​ដល់​ដីគោក​ដំបូង​លើ​ទីក្រុង​ឆ្នេរ Hernani ក្នុង​ខេត្ត​ Eastern Samar មុន​វាយប្រហារ​ក្បែរ​ខេត្ត Samar។​ លោក Ben Evardone បាន​និយាយ​នៅក្នុង​សារ​មួយ​ថា យើង​មានការ​ខូចខាត​តិចតួច​នៅទីនេះ​សូម​អរគុណ​ព្រះ​”។ លោក​បាន​និយាយថា​ ការងារ​ត្រូវបាន​ផ្អាក​នៅក្នុង​ការិយាល័យ​រដ្ឋា​ភិ​បាល​។​

ប្រតិបត្តិ​ករ​ប្រព័ន្ធ​ថាមពល​ជាតិ​ប្រទេស​ហ្វីលីពីន​បាន​និយាយថា​ បណ្តាញ​អគ្គិសនី​មួយចំនួន​បាន​រង​ផលប៉ះពាល់​។ ការ​ដាច់​ចរន្តអគ្គិសនី​ត្រូវបាន​គេ​រាយការណ៍​នៅក្នុង​ខេត្ត Eastern Samar, ខេត្ត Samar និង​ខេត្ត Leyte។ ​មន្ត្រី​មូលដ្ឋាន​បាន​រាយការណ៍​អំពី​ការលិចលង់​មួយចំនួន​នៅក្នុង​ទីក្រុង​ Tacloban៕

អត្ថបទ៖ សុខមាន