មនុស្សធម៌របស់អង្គការសហប្រជាជាតិនិងដៃគូរបស់ពួកគេកាលពីថ្ងៃសុក្រ បានប៉ាន់ប្រមាណថា យ៉ាងហោចណាស់ប្រជាជនហ្កាហ្សា ៦០.000 នាក់ ប្រហែលជាបានផ្លាស់ទីឆ្ពោះទៅភាគខាងលិចទីក្រុង Khan Younis បន្ទាប់ពីបញ្ជាជម្លៀសចុងក្រោយរបស់អ៊ីស្រាអែល។

ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បាននិយាយថា បញ្ជាជម្លៀសចុងក្រោយសម្រាប់អ្នកស្រុកនៅភាគកណ្តាល និងភាគខាងកើតនៃទីក្រុង Khan Younis កាលពីថ្ងៃព្រហស្បតិ៍ បានធ្វើតាមបញ្ជាចំនួនពីរ កាលពីថ្ងៃពុធ សម្រាប់ប្រជាជននៅផ្នែកមួយចំនួននៃភាគខាងជើងតំបន់ហ្កាហ្សាឲ្យជម្លៀសចេញ។

OCHA បាននិយាយថា ជិត៤៣គីឡូម៉ែត្រការ៉េនៃភាគខាងជើងនិងភាគខាងត្បូងតំបន់ហ្សា គឺស្ថិតនៅក្រោមការបញ្ជាជម្លៀស នៅសប្តាហ៍នេះ។

OCHA បានបន្ថែមថា៖«ការតាមដានដំបូងដោយដៃគូរបស់យើងនៅក្នុងតំបន់ហ្កាហ្សា បានបញ្ជាក់ថា តំបន់ទាំងនេះរួមមានកន្លែងផ្លាស់ទីលំនៅចំនួន ២៣០កន្លែង កន្លែងទឹកស្អាតនិងអនាម័យជាង ៣០កន្លែង និងមណ្ឌលសុខភាពដែលកំពុងដំណើរការ ចំនួន៥កន្លែង រួមទាំងមន្ទីរពេទ្យឥណ្ឌូនេស៊ីផងដែរ។ «ឥឡូវនេះច្រើនជាង ៨០ ភាគរយនៃតំបន់ហ្កាហ្សាស្ទ្រីប ត្រូវបានវាយតម្លៃថា ត្រូវបានដាក់នៅក្រោមការបញ្ជាជម្លៀសចាប់តាំងពីខែតុលា ឆ្នាំមុន»។