អ៊ីរ៉ង់៖ ប្រធានាធិបតីអ៊ីរ៉ង់កាលពីថ្ងៃពុធបានព្រមានប្រទេសលោកខាងលិច ប្រឆាំងនឹងការស្តីបន្ទោសក្រុងតេអេរ៉ង់នៅឯអង្គការឃ្លាំមើលបរមាណូរបស់អង្គការសហប្រជាជាតិ បន្ទាប់ពីរបាយការណ៍ចុងក្រោយរបស់ខ្លួនបានរិះគន់សាធារណរដ្ឋអ៊ីស្លាម ខណៈដែលអ្នកការទូតជាន់ខ្ពស់អាមេរិកបាននិយាយថា ពេលវេលាជិតអស់ក្នុងការស្រោចស្រង់កិច្ចព្រមព្រៀងនុយក្លេអ៊ែរឡើងវិញ ជាមួយប្រទេសមហាអំណាចពិភពលោក។
ទីភ្នាក់ងារថាមពលអាតូមិកអន្តរជាតិបាននិយាយនៅក្នុងរបាយការណ៍ ទៅកាន់រដ្ឋជាសមាជិកដែលបានពិនិត្យឡើងវិញដោយសារព័ត៌មានរ៉យទ័រកាលពីថ្ងៃអង្គារថា គ្មានការវិវត្តលើបញ្ហាសំខាន់ពីរនោះទេ ពោលគឺការពន្យល់អំពីដានអ៊ុយរ៉ានីញ៉ូមដែលបានរកឃើញ នៅកន្លែងចាស់ៗជាច្រើនដែលមិនទាន់បានប្រកាស និងដំណើរការជាបន្ទាន់នូវឧបករណ៍តាមដានមួយចំនួន ដើម្បីឱ្យអង្គការនេះអាចបន្តតាមដានផ្នែកខ្លះនៃកម្មវិធីនុយក្លេអ៊ែររបស់អ៊ីរ៉ង់។ ប្រធានាធិបតី Ebrahim Raisi បាននិយាយតាមទូរស័ព្ទជាមួយប្រធានក្រុមប្រឹក្សាអឺរ៉ុប លោក Charles Michel ថា “ក្នុងករណីមានវិធីប្រឆាំងរឿងមិនសមហេតុផលនៅអង្គការនោះ ខ្លួនរំពឹងថាអ៊ីរ៉ង់នឹងមានប្រតិកម្មក្នុងន័យស្ថាបនា”។ "វិធានការប្រឆាំងផលប៉ះពាល់ជាជៀសមិនផុតពីការរំខានដល់ផ្លូវចរចាផងដែរ"៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
