លោកប្រធានាធិបតីអាមេរិក Joe Biden នៅក្នុងបទសម្ភាសន៍តាមទូរទស្សន៍ជាលើកដំបូងរបស់លោកចាប់តាំងពីការចាកចេញពីការប្រជែងតំណែងសេតវិមាន បានព្រមានថាបេក្ខជនមកពីគណបក្សសាធារណរដ្ឋ លោក Donald Trump គឺជាបុគ្គលគ្រោះថ្នាក់យ៉ាងពិតប្រាកដចំពោះសន្តិសុខអាមេរិក។

លោក Biden បានប្រាប់ទូរទស្សន៍ CBS News ក្នុងបទសម្ភាសន៍មុនការចាក់ផ្សាយកាលពីថ្ងៃអាទិត្យ ១១ សីហា ថា ចាំពាក្យរបស់ខ្ញុំទៅ ប្រសិនបើលោក Trump ឈ្នះការបោះឆ្នោតនេះ ចាំមើលថាមានអ្វីកើតឡើង។

លោកគឺជាមនុស្សគ្រោះថ្នាក់ពិតប្រាកដចំពោះសន្តិសុខរបស់អាមេរិក។ មើលចុះ យើងកំពុងឈានដល់ដំណាក់កាលមានការប្រែប្រួលក្នុងប្រវត្តិសាស្ត្រពិភពលោក ហើយលទ្ធិប្រជាធិបតេយ្យគឺជាគន្លឹះដ៏សំខាន់។

លោកប្រធានាធិបតីវ័យ៨១ឆ្នាំ រូបនេះ មិនសូវមានសកម្មភាពនៅខាងក្រៅទេ ចាប់តាំងពីការដកខ្លួនចេញ បន្ទាប់ពីការការជជែកដេញដោលរបស់លោកទល់នឹងលោកTrump បានគូសបញ្ជាក់ពីក្ដីបារម្ភខ្លាំងអំពីវ័យ និងសមត្ថភាពផ្លូវកាយ-ចិត្ត របស់លោក។

លោកបានពន្យល់ថាក្រុមអ្នកនយោបាយគណបក្សប្រជាធិបតេយ្យ ផ្សេងទៀត មានក្ដីបារម្ភថា លោក Trump នឹងធ្វើឲ្យប៉ះពាល់ដល់ឱកាសរបស់ពួកគេ ហើយលោកបានបន្ថែមថា អាទិភាពចម្បងរបស់លោកតែមួយគត់គឺ រារាំងលោក Trump មិនឲ្យវិលត្រឡប់ទៅកាន់អំណាចជាថ្មី៕