អាហ្វហ្គានីស្ថាន៖ មេដឹកនាំតាលីបង់លោក Mullah Abdul Ghani Baradar បានសន្យានៅពេលដែលលោកបានទៅដល់ទីក្រុងកាប៊ុលកាលពីពេលថ្មីៗនេះ ដើម្បីចាប់ផ្ដើមកិច្ចពិភាក្សាក្នុងគោលបំណងបង្កើតការដឹកនាំ ក្នុងការផ្លាស់ប្ដូរចលនាប្រដាប់អាវុធទៅជារដ្ឋាភិបាលថា យើងកំពុងធ្វើការដើម្បីបង្កើតរដ្ឋាភិបាលរួមបញ្ចូលគ្នា ដែលតំណាងឱ្យប្រជាជនអាហ្វហ្កានីស្ថាន។
អ្នកនាំពាក្យតាលីបង់ លោក Zabihullah Mujahid បានប្តេជ្ញានៅក្នុងសន្និសីទសារព័ត៌មានលើកដំបូងនៅរដ្ឋធានី បន្ទាប់ពីក្រុមតាលីបង់បានរឹបអូសអំណាចភ្លាមៗកាលពីថ្ងៃទី១៥ ខែសីហាថា “យើងចង់រស់នៅដោយសុខសាន្ត”។ យើងមិនចង់បានសត្រូវខាងក្នុង និងសត្រូវខាងក្រៅណាមួយឡើយ។ ដោយការវិនិច្ឆ័យពួកគេទៅលើទង្វើរ មិនមែនត្រឹមតែពាក្យសម្តីរបស់ពួកគេ បានក្លាយជាប្រធានបទដែលរីកសាយភាយឆាប់រហ័ស របស់ក្រុមអ្នកឃ្លាំមើលតាលីបង់រួមមានពលរដ្ឋអាហ្វហ្គានីស្ថាន រដ្ឋាភិបាលបរទេស ប្រមុខអង្គការមនុស្សធម៌ និងក្រុមអ្នកវិភាគនយោបាយទូទាំងពិភពលោក។
ប៉ុន្តែជនជាតិអាហ្វហ្គានីស្ថានកំពុងឃ្លាំមើលយ៉ាងយកចិត្តទុកដាក់បំផុត។ នៅថ្ងៃមួយដែលក្រុមអ្នកតវ៉ាដ៏អង់អាចប្រដាប់ដោយបដាច្បាស់ៗ បានផ្ទុះឡើងនៅតាមដងផ្លូវនានាក្នុងទីក្រុងកាប៊ុល និងទីក្រុងដទៃទៀត ស្ត្រីអាហ្វហ្គានីស្ថានដឹកនាំការទាមទារសិទ្ធិសេរីភាពរបស់ពួកគេ ការតំណាង និងតួនាទីរបស់ពួកគេនៅក្នុងសង្គម ជារដ្ឋាភិបាលថ្មីរបស់ក្រុមតាលីបង់ដែលត្រូវបានបង្ហាញ ដោយពុំមានវត្តមានរបស់ស្ត្រីណាម្នាក់ចូលរួមឡើយ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
