សម្រាប់ការបោះឆ្នោតប្រធានាធិបតីអាមេរិកលើកទី៣ ជាប់ៗគ្នា ការលួចចូលបច្ចេកវិទ្យាព័ត៌មានវិទ្យាពីបរទេសនៃយុទ្ធនាការនានា បានចាប់ផ្តើមក្នុងកម្រិតធ្ងន់ធ្ងរ និងយ៉ាងខ្លាំងក្លា។ កាលពីថ្ងៃទី៩ ខែសីហា ក្រុមហ៊ុន Microsoft បានចេញផ្សាយរបាយការណ៍មួយ ដោយប្រកាសថា ក្រុមចោរព័ត៌មានវិទ្យា ដែលគ្រប់គ្រងដោយអង្គភាពស៊ើបការណ៍សម្ងាត់នៃឆ្មាំបដិវត្តន៍អ៊ីរ៉ង់ បានបំពានលើគណនីរបស់ «អតីតទីប្រឹក្សាជាន់ខ្ពស់» សម្រាប់យុទ្ធនាការប្រធានាធិបតី ដោយជោគជ័យ។

ក្រុមហ៊ុន Microsoft បានឲ្យដឹងថា ពីគណនីនោះ ក្រុមនេះបានផ្ញើសារអ៊ីម៉ែលក្លែងក្លាយ ដែលគេស្គាល់ថាជា «Spear Phishing» (ក្រុមផ្ញើសារក្លែងក្លាយ) ទៅកាន់ «មន្ត្រីជាន់ខ្ពស់នៃយុទ្ធនាការប្រធានាធិបតី» ក្នុងកិច្ចខិតខំប្រឹងប្រែង ដើម្បីជ្រៀតចូលទៅក្នុងគណនី និងមូលដ្ឋានទិន្នន័យផ្ទាល់ខ្លួនរបស់យុទ្ធនាការនេះ។

ត្រឹមយប់ថ្ងៃទី១០ ខែសីហា អតីតប្រធានាធិបតី លោក Donald Trump បានប្រកាសថា ក្រុមហ៊ុន Microsoft បានជូនដំណឹងដល់ក្រុមធ្វើយុទ្ធនាការរបស់លោកថា៖ «គេហទំព័រមួយក្នុងចំណោមគេហទំព័រជាច្រើនរបស់យើងត្រូវបានលួចចូលដោយរដ្ឋាភិបាលអ៊ីរ៉ង់។ នេះមិនមែនជារឿងល្អដែលត្រូវធ្វើទេ!»។ ប៉ុន្តែថា ពួក ក្រុមចោរព័ត៌មានវិទ្យា បានទទួលតែ «ព័ត៌មានដែលមានជាសាធារណៈ» ប៉ុណ្ណោះ។ លោកបានសន្មតថា បញ្ហាទាំងអស់កើតឡើងដោយសារអ្វីដែលលោកបានហៅថា «ភាពខ្សោយ និងគ្មានប្រសិទ្ធភាព» របស់រដ្ឋបាល លោក Joe Biden។

យ៉ាងណាក្ដី គោលបំណងពិតប្រាកដមានសភាពកាន់តែស្រពិចស្រពិល ហើយវាមិនច្បាស់ទេថា ប្រសិនបើមាន តើអ្វីដែលក្រុមអ៊ីរ៉ង់ ពោលគឺជាក្រុមដែលក្រុមហ៊ុន Microsoft ហៅឈ្មោះថា ក្រុម Mint Sandstorm អាចសម្រេចបាន៕