អ្នកនាំពាក្យរបស់ IDF អ្នកស្រីAnna Ukolova បានប្រាប់សារព័ត៌មាន TASS ថា កងកម្លាំងការពារអ៊ីស្រាអែល បានសម្លាប់មេបញ្ជាការក្រុមហាម៉ាស និងក្រុមជីហាដឥស្លាមមួយចំនួន នៅក្នុងការវាយប្រហារនាពេលថ្មីៗនេះ ទៅលើបរិវេណសាលារៀន Al-Taba'een ក្នុងតំបន់ហ្កាហ្សា។ 

អ្នកស្រី Ukolova បាននិយាយថា៖«នៅពេលនេះ អត្តសញ្ញាណរបស់ភេរវករចំនួន ១៩នាក់ ដែលត្រូវបានសម្លាប់ ដែលនៅក្នុងវិហារឥស្លាម នៅពេលការវាយប្រហារ ត្រូវបានបញ្ជាក់។ ក្នុងចំណោមពួកគេ មានក្រុមហាម៉ាស និងក្រុមសកម្មប្រយុទ្ធជីហាដឥស្លាម រួមទាំងមេបញ្ជាការនៃអង្គភាពផ្សេងៗ»។ «ការវាយប្រហារបានកំណត់គោលដៅវិហារឥស្លាមមួយ ដោយមានគ្រាប់ផ្លោងច្រើនគ្រាប់»។

បើតាមអ្នកនាំពាក្យរូបនេះ វីដេអូដែលត្រូវបានថតកាលពីថ្ងៃសៅរ៍ បន្ទាប់ពីការវាយប្រហារបង្ហាញថា បរិវេណ និងវិហារឥស្លាម គឺស្ថិតក្នុងស្ថានភាពដដែល»។

អ្នកស្រី Ukolova បានបន្តថា៖«យោងតាមទិន្នន័យស៊ើបការណ៍ ពួកគេ បានប្រើប្រាស់បរិវេណនេះជាមជ្ឈមណ្ឌលប្រតិបត្តិការ ដើម្បីរៀបចំផែនការ និងធ្វើការវាយប្រហារភេរវកម្មប្រឆាំងនឹងអ៊ីស្រាអែល។ "នេះគឺឧទាហរណ៍ដំបូងរបស់ក្រុមភេរវករដែលប្រើប្រាស់សាលារៀន វិហារអ៊ីស្លាម និងមន្ទីរពេទ្យជាមជ្ឈមណ្ឌលប្រតិបត្តិការ»។