មនុស្សម្នាក់បានស្លាប់ខណៈចំហេះព្រៃដ៏ធំបានឆាបឆេះរាលដាលដល់ជាយទីក្រុង អាតែន (Athens)របស់ប្រទេសក្រិកកាលពីថ្ងៃចន្ទដើមសប្ដាហ៍នេះ។

ប្រភពមួយពីសេវាកម្មពន្លត់អគ្គិភ័យបានប្រាប់ទូរទស្សន៍ BBC ថា សាកសពដែលត្រូវបានគេជឿថាជាស្ត្រីនោះត្រូវបានប្រទះឃើញនៅក្នុងហាងមួយក្នុងទីប្រជុំជន វីរីលីសស៊ៀ (Vrilissia) ភាគខាងជើងរដ្ឋធានីអាតែន ។

មនុស្សរាប់ពាន់នាក់ត្រូវបានជម្លៀសចេញ បន្ទាប់ពីក្រុមពន្លត់អគ្គិភ័យបានព្រមានថាលំនៅឋាន អាជីវកម្ម និងសាលារៀននានា កំពុងស្ថិតនៅក្រោមការគំរាមកំហែង ដោយភ្លើងឆេះព្រៃ ត្រូវគេរំពឹងថានឹងបន្តឆេះរាលដាលរហូតដល់ថ្ងៃអង្គារនេះ។

អ្នកនាំពាក្យសេវាកម្មពន្លត់អគ្គិភ័យលោក វ៉ាស៊ីលីយ៉ូស វ៉ាស្រាកូហ្គីអានីស (Vassilios Vathrakogiannis) បាននិយាយថាមាន ចំណុចឆេះសកម្មជាច្រើននៅក្នុងតំបន់ អាទីកា (Attica )ភាគឦសាន ប៉ុន្តែមានសញ្ញាមួយចំនួននៃការមើលឃើញការរាលដាលអណ្ដាតភ្លើងកាលពីយប់មិញថា នឹងអាចបន្តដល់ថ្ងៃអង្គារនេះ។

ប្រទេសក្រិកបានជួបប្រទះអាកាសធាតុក្តៅបំផុតក្នុងខែមិថុនា និងខែកក្កដា លើកំណត់ត្រា។

ប្រទេសក្រិកបានស្នើសុំជំនួយពីសហភាពអឺរ៉ុប ខណៈភ្លើងឆេះព្រៃរាលដាលដល់ជិតជាយក្រុងអាតែន។ក្រុមអ្នកពន្លត់អគ្គិភ័យជាង ៧០០ នាក់ រថយន្តពន្លត់អគ្គិភ័យ១៩៩ គ្រឿង និងយន្តហោះទម្លាក់ទឹកចំនួន ៣៥គ្រឿង បានចូលរួមក្នុងកិច្ចខិតខំប្រឹងប្រែងដើម្បីពន្លត់ភ្លើងដែលបានកើតឡើងដំបូងកាលពីរសៀលថ្ងៃអាទិត្យ ចម្ងាយ ៣៥ គីឡូម៉ែត្រ ភាគខាងជើងនៃរដ្ឋធានីក្រិក៕