ប្រធានសេវាសហព័ន្ធសម្រាប់កិច្ចសហប្រតិបត្តិការបច្ចេកទេសយោធា លោក Dmitry Shugaev បានប្រាប់សារព័ត៌មាន TASS នៅក្នុងវេទិកាកងទ័ព ឆ្នាំ២០២៤ថា ប្រទេសរុស្ស៊ី កំពុងទទួលបានសំណើពីប្រទេសជាច្រើនសម្រាប់ការទិញយន្តហោះចម្បាំងពហុមុខងារ Su-57 នៃជំនាន់ទី៥។  

លោក Shugaev បាននិយាយថា៖«យន្តហោះចម្បាំងពហុមុខងារ Su-57 គឺជាផលិតផលបច្ចេកវិទ្យាខ្ពស់ ដោយមានអ្នកផ្គត់ផ្គង់ដ៏ច្រើនសន្ធឹកសន្ធាប់ចូលរួម ក្នុងការផលិតយន្តហោះនេះ។ ការផលិតយន្តហោះទាមទារការសម្របសម្រួលយ៉ាងតឹងរ៉ឹងនៃសកម្មភាពរបស់ពួកគេ និងគុណភាពខ្ពស់នៃការបណ្តុះបណ្តាលអ្នកឯកទេសនូវគោលការណ៍ផ្សេងៗគ្នា។ ផលប្រយោជន៍របស់ប្រទេសក្រៅនៅក្នុងការទិញយន្តហោះ Su-57 គឺត្រូវតែមាន។ សំណើដែលពាក់ព័ន្ធនានា កំពុងត្រូវបានទទួល។

វេទិកាកងទ័ព ឆ្នាំ ២០២៤ ត្រូវបានរៀបចំឡើង ចាប់ពីថ្ងៃទី ១២ ដល់ថ្ងៃទី ១៤ ខែសីហា នៅតំបន់មូស្គូ។ សំណាកគ្រឿងសព្វាវុធ សម្ភារៈ និងយានយន្តពិសេស នឹងត្រូវបង្ហាញដល់អ្នកចូលរួមក្នុងព្រឹត្តិការណ៍នេះ។ គួរបញ្ជាក់ផងដែរថា សារព័ត៌មាន TASS គឺជាដៃគូប្រព័ន្ធផ្សព្វផ្សាយយុទ្ធសាស្ត្រនៃវេទិកានេះ។