អង្គការសហប្រជាជាតិ បាននិយាយកាលពីថ្ងៃអង្គារ (១៣ សីហា) ថា កុមារជិត ៥០០លាននាក់កំពុងប្រឈមមុខនឹងកម្ដៅខ្លាំងចំនួនពីរដងក្នុងមួយថ្ងៃ ឬច្រើនជាងនេះ ដែលច្រើនខ្លាំងលើសមនុស្សធំ ខណៈបានព្រមានអំពីផលវិបាកដ៏គ្រោះថ្នាក់។

ទីភ្នាក់ងារកុមាររបស់អង្គការសហប្រជាជាតិ យូនីសេហ្វ (Unicef) បាននិយាយថា ដោយសារបម្រែបម្រួលអាកាសធាតុបន្តជំរុញសីតុណ្ហភាពនៅទូទាំងពិភពលោក កុមារម្នាក់ក្នុងចំណោមកុមារ ៥នាក់ ដែលប្រហែល ៤៦៦លាននាក់ រស់នៅក្នុងតំបន់ដែលកំពុងរងការប៉ះពាល់ «យ៉ាងហោចណាស់ពីរដងក្នុងមួយថ្ងៃដែលមានអាកាសធាតុក្តៅខ្លាំងជារៀងរាល់ឆ្នាំ» បើធៀបនឹងរយៈពេល ៦០ឆ្នាំមុន។

លើសពីនេះ កុមារបាត់បង់ការសិក្សា នៅពេលដែលសាលារៀនត្រូវបានបង្ខំឱ្យបិទដោយសារតែសីតុណ្ហភាពខ្ពស់ ដែលបានប៉ះពាល់ដល់កុមារយ៉ាងហោចណាស់ ៨០លាននាក់ក្នុងឆ្នាំ២០២៤ មកទល់ពេលនេះ។ យូនីសេហ្វ បានប្រើប្រាស់ទិន្នន័យពីថ្ងៃដែលកម្ដៅឡើងដល់ ៣៥អង្សាសេជាគោល ដោយប្រៀបធៀបសីតុណ្ហភាពជាមធ្យមក្នុងកំឡុងឆ្នាំ២០២០ ដល់ឆ្នាំ២០២៤ ទៅនឹងទសវត្សរ៍ឆ្នាំ១៩៦០។

កុមារនៅអាហ្រ្វិកខាងលិច និងកណ្តាល រងផលប៉ះពាល់ច្រើនជាងគេ ដោយមាន ១២៣លាននាក់ ឬ ៣៩ភាគរយនៃកុមារនៅក្នុងតំបន់ កំពុងប្រឈមមុខនឹងតួលេខមួយភាគបីនៃថ្ងៃដែលមានកម្ដៅខ្លាំងជារៀងរាល់ឆ្នាំ ដែលមានសីតុណ្ហភាព ៣៥អង្សារសេ ឬខ្ពស់ជាងនេះ៕