លោក Rodion Miroshnik គឺជាប្រេសិតពិសេសរបស់ក្រសួងការបរទេសរុស្ស៊ី និយាយនៅថ្ងៃពុធនេះថា ទីក្រុងគីវ បានដាក់បញ្ហាកិច្ចប្រជុំស្វែងរកសន្តិភាពជាមួយរុស្ស៊ី ផ្អាករយៈពេលយូរ តាមរយៈការវាយប្រហារតំបន់ Kursk របស់រុស្ស៊ី ។

លោក Miroshnik និយាយថា ជាមួយនឹងសកម្មភាពភេរវកម្មរបស់ពួកគេនៅតំបន់ Kursk អ៊ុយក្រែននាំឲ្យកិច្ចប្រជុំស្វែងរកសន្តិភាព ផ្អាករយៈពេលយូរ ។ លោកថា តាមគំនិតរបស់លោក ពួកគេធ្វើរឿងនេះដោយចេតនា ។

គួរឲ្យដឹងថា កាលពីខែមិថុនាកន្លងទៅ ប្រធានាធិបតីរុស្ស៊ីលោក Vladimir Putin បានលើកឡើងលទ្ធភាពនៃលក្ខខណ្ឌសន្តិភាព រួមទាំងតម្រូវការឲ្យទីក្រុងគីវ បោះបង់ចោលមហិច្ឆិតាចូលរួមជាសមាជិក អង្គការណាតូ និងដកទាហានរបស់ពួកគេទាំងអស់ចេញពីខេត្តចំនួន ៤ ដែលប្រកាសសិទ្ធិដោយទីក្រុងម៉ូស្គូ ។

ទីក្រុងគីវ និយាយថា ខ្លួនគឺជាជនរងគ្រោះនៃទឹកដីរចនាប័ទ្មអធិរាជដណ្តើមដោយលោក Putin ហើយពួកគេនិយាយថា ពួកគេត្រូវតែដណ្តើមគ្រប់គ្រងមកវិញទឹកដីទាំងអស់ដែលបាត់បង់ឲ្យទៅរុស្ស៊ី ហើយលោកខាងលិច និយាយថា ពួកគេនឹងមិនអនុញ្ញាតឲ្យលោក Putin ឈ្នះនោះឡើយ ៕