ពោធិ៍សាត់​៖ ឯកឧត្ដម ខូយ រីដា អភិបាល នៃគណៈអភិបាលខេត្ត និងជាប្រធាន​គណៈបញ្ជា​ការ​ឯកភាព​រដ្ឋបាលខេត្ត បានអញ្ជើញដឹកនាំកម្លាំងជំនាញចម្រុះ​ រួមមានមន្ទីរកសិកម្ម ខណ្ឌរដ្ឋបាល​ជលផល​ កងរាជអាវុធហត្ថខេត្ដ យោធាខេត្ដ និងរដ្ឋបាលស្រុកក្រគរបានចុះពិនិត្យ​បទល្មើស​នេសាទ​ក្នុង​ភូមិសាស្រ្តស្រុកក្រគរ ដោយប្រើប្រាស់កម្លាំងសរុបចំនួន៤០នាក់ ប្រើប្រាស់កាណូត ៥គ្រឿង បានចេញប្រតិបត្តិការ ត្រួតពិនិត្យ ទប់ស្កាត់ និងបង្រ្កាបបទល្មើសជលផល ខាងលិចកំពង់លួងចំនុចចំណង់ក្របី ស្ថិតក្នុងឃុំកំពង់លួង ស្រុកក្រគរ ខេត្ដពោធិ៍សាត់ ។​ ជាលទ្ធផល បានរុះរើ របាំងខុសក្រឡានិង

ដកហូតនិងបំផ្លាញ របាំងស្បៃមុងខុសច្បាប់ ០៤ខ្សែ ប្រវែង ៧៥០ម៉ែត្រ​ - លូកងស្បៃមុង ចំនួន ៤មាត់​ - ក្បាលបរចំនួន ០៤គ្រឿង - បង្គោល ចំនួន ៦៤០ដើម​ ព្រមទាំងចាក់លែងកូនត្រីប្រាចំនួន ១០០ គីឡូក្រាម និងកូនត្រីចម្រុះចំនួន ២០ គីឡូក្រាម ។ ក្រោយបានធ្វើការត្រួតពិនិត្យរួច ឯកឧត្តមបានដាក់បទបញ្ជាយ៉ាងតឹងរឹងដល់ មន្រ្ដីជំនាញ និងអាជ្ញាធរមូលដ្ឋាន កម្លាំងគណៈបញ្ជាការឯកភាពរដ្ឋបាលខេត្ដ -ស្រុកបន្ដធ្វើការ រុះរើ បំផ្លាញចោលរបាំងនេះទៀត ជាពិសេសខាងលិចកំពង់លួងក្នុងរដូវបិទនេសាទ នឹងត្រូវធ្វើការរឹតបន្តឹងការទប់ស្កាត់បទល្មើសទាំងនេះឲ្យខាងតែបាន ដើម្បីការពារមច្ឆាជាតិ។