គណបក្សដ៏ធំបំផុតនៅក្នុងរដ្ឋាភិបាលចាំផ្ទះរបស់ប្រទេសថៃ នឹងជួបប្រជុំគ្នានៅថ្ងៃព្រហស្បតិ៍ នេះ ដើម្បីជ្រើសរើសអ្នកស្នងតំណែងពីអតីតនាយករដ្ឋមន្ត្រីដែលត្រូវបានបណ្តេញចេញពីតំណែងលោក Srettha Thavisin ខណៈគណបក្សនេះប្រកួតប្រជែងដើម្បីពង្រឹងសម្ព័ន្ធភាពរបស់ខ្លួន មួយថ្ងៃមុនការបោះឆ្នោតសភាដ៏សំខាន់ដើម្បីជ្រើសរើសនាយករដ្ឋមន្ត្រីថ្មី។  

ប្រទេសថៃត្រូវបានគេចាប់អារម្មណ៍ជាថ្មីម្តងទៀតដោយសារតែភាពរំជើបរំជួលផ្នែកនយោបាយមិនដល់មួយឆ្នាំបន្ទាប់ពីមហាសេដ្ឋីអចលនទ្រព្យ លោក Srettha Thavisin បានឡើងកាន់អំណាចក្រោយភាពជាប់គាំងនៅសភាជាច្រើនសប្តាហ៍ ដោយគណបក្សភឿថៃ (Pheu Thai ) របស់លោកកំពុងព្យាយាមគ្រប់គ្រងភាពចលាចលខាងនយោបាយ និងដោះស្រាយក្នុងរបៀបវារៈប្រជានិយមដែលជាប់គាំងស្របពេលមានបញ្ហាសេដ្ឋកិច្ច។

ការសម្រេចរបស់តុលាការធម្មនុញ្ញក្នុងការបណ្តេញលោកនាយករដ្ឋមន្ត្រី Srettha  កាលពីថ្ងៃពុធ គឺជាការវាយបកចុងក្រោយបង្អស់លើគណបក្សភឿថៃ ជាយុទ្ឌនាការបោះឆ្នោតដ៏ធំរបស់ត្រកូលមហាសេដ្ឋីស៊ីណាវ៉ាត់ ដែលបានជាប់គាំងអស់រយៈពេលពីរទសវត្សរ៍ជាមួយនឹងក្រុមអ្នកនយោបាយដ៏ឥទ្ធិពលរបស់ប្រទេសថៃ និងយោធារាជានិយម។  

គណបក្សភឿថៃ ត្រូវតែជ្រើសរើសបេក្ខជនម្នាក់ក្នុងចំណោមបេក្ខជនដែលមានសិទ្ធិ និងលក្ខខណ្ឌសមស្របចំនួន២រូប  គឺ លោក ឆៃកាសេម នីទីស៊ីរី (Chaikasem Nitisiri) អតីតរដ្ឋមន្ត្រីក្រសួងតយុត្តិធម៌ និងមេដឹកនាំដែលគ្មានបទពិសោធន៍របស់ខ្លួន គឺលោកស្រី តៃថងឋាន ស៊ីណាវ៉ាត់ ( Paetongtarn Shinawatra) ជាកូនស្រីពៅវ័យ៣៧ ឆ្នាំ របស់អតីតនាយករដ្ឋមន្ត្រី Thaksin Shinawatra៕