ប្រធានាធិបតីកូរ៉េខាងត្បូង លោក Yoon Suk Yeol បានផ្តល់ជូននៅថ្ងៃព្រហស្បតិ៍ ១៥ សីហានេះ ដើម្បីបង្កើតស្ថាប័នពិគ្រោះយោបល់កម្រិតការងារជាមួយកូរ៉េខាងជើង ដើម្បីពិភាក្សាអំពីវិធីបន្ធូរបន្ថយភាពតានតឹង និងបន្តកិច្ចសហប្រតិបត្តិការសេដ្ឋកិច្ច ខណៈលោកបានដាក់ចេញនូវចក្ខុវិស័យលើការបង្រួបបង្រួមប្រទេសជិតខាង។

នៅក្នុងសុន្ទរកថាថ្ងៃទិវារំដោះជាតិខួបលើកទី ៧៩ នៃឯករាជ្យភាពពីការគ្រប់គ្រងអាណានិគមរបស់ប្រទេសជប៉ុនឆ្នាំ ១៩១០ ដល់១៩៤៥ បន្ទាប់ពីសង្គ្រាមលោកលើកទី ២ លោក Yoon បាននិយាយថា លោកបានត្រៀមខ្លួនរួចជាស្រេចដើម្បីចាប់ផ្តើមកិច្ចសហប្រតិបត្តិការនយោបាយ និងសេដ្ឋកិច្ច ប្រសិនបើកូរ៉េខាងជើង បោះទៅមុខមួយជំហាន ឆ្ពោះទៅរកការរំសាយអាវុធនុយក្លេអ៊ែរ។

លោកYoon បានប្រើសុន្ទរកថានេះជាឱកាសមួយដើម្បីបង្ហាញប្លង់មេសម្រាប់ការបង្រួបបង្រួម និង ផ្សព្វផ្សាយជាថ្មីទៅកាន់ទីក្រុងព្យុងយ៉ាង បន្ទាប់ពីការផ្តល់ជូនថ្មីៗរបស់រដ្ឋាភិបាលលោកក្នុងការផ្តល់ជំនួយសង្គ្រោះសម្រាប់ការខូចខាតដោយសារទឹកជំនន់នៅប្រទេសឯកោកូរ៉េខាងជើង ដែលលោកបាននិយាយថា ត្រូវបានច្រានចោល៕