​បាល់ទាត់៖ កីឡាករ​​អាឡឺម៉ង់ Jerome Boateng ត្រូវបាន​គេ​រកឃើញថា​ មាន​ពិរុទ្ធភាព​ពីបទ​វាយ​ធ្វើបាប​អតីត​មិត្ត​ស្រី​របស់​ខ្លួន ​ហើយ​ត្រូវ​បាន​បង្គាប់​ឱ្យ​បង់​ប្រាក់​ពិន័យ ១,៨លាន​អឺរ៉ូ (១,៥លាន​ផោន​)​។​

Boateng បាន​បដិសេធ​ទង្វើ​របស់​ខ្លួន ដែល​ធ្វើ​ឱ្យ​ម្តាយ​កូន​ស្រី​ភ្លោះ​របស់​គាត់​មានឈ្មោះ​ថា Sherin S ក្នុងអំឡុងពេល​ឈ្លោះប្រកែក​គ្នា​នៅ​ថ្ងៃ​ឈប់សម្រាក​ក្នុង​ឆ្នាំ​២០១៨។​ ​នាង​បាន​ប្រាប់​តុលាការ​នៅ​ទីក្រុង Munich ថា ​អតីត​ខ្សែ​ការពារ​ក្រុម Bayern Munich និង​ជា​ម្ចាស់​ពានរង្វាន់​បាល់ទាត់​ពិភពលោក​ឆ្នាំ​២០១៤ ជាមួយ​ក្រុម​អាល្លឺម៉ង់​នោះ​បាន​ដាល់​នាង​យ៉ាង​ខ្លាំង​រហូត​សន្លប់​បាត់ស្មារតី​។​ ​ផ្ទុយទៅវិញ​នៅ​ក្នុង​សក្ខីកម្ម​របស់​គាត់ Jerome Boateng បែរជា​ពិពណ៌នា​ព្រឹត្តិការណ៍​ខុសគ្នា​។​

​នៅ​ក្រោម​ច្បាប់​អំពើ​ហិង្សា​ក្នុង​គ្រួសារ​របស់​ប្រទេស​អាឡឺម៉ង់ Boateng អាច​ជាប់​ពន្ធនាគា​ររ​ហូត​ដល់ ៥ឆ្នាំ​។​ ដោយ​ស្លៀកពាក់​ឈុត​អាវធំ​ពណ៌​ខៀវ Boateng ត្រូវ​បាន​អង្គរក្ស​អម​ដំណើរ​នៅ​ពេល​គាត់​ទៅដល់​តុលាការ ​ជាមួយ​មេធាវី​របស់​គាត់​ឈ្មោះ Kai Walden នៅព្រឹក​ថ្ងៃ​ព្រហស្បតិ៍​៕

​អត្ថបទ​៖​នាង សុភា​វុ​ធ