អភិបាលតំបន់ លោក Vyacheslav Glaadkov បាននិយាយថា ផ្ទះចំនួន ៤ខ្នង បានរងការខូចខាត នៅក្នុងការវាយប្រហារដោយយានដ្រូនរបស់អ៊ុយក្រែនទៅលើតំបន់លំនៅដ្ឋាន នៅក្នុងតំបន់ Belgorod ព្រំដែននៃប្រទេសរុស្ស៊ី។

លោក បានសរសេរនៅលើបណ្តាញសង្គម Telegram ថា៖«គ្រួសារមួយ បានរងការខូចខាត បន្ទាប់ពីយានដ្រូន បានទម្លាក់គ្រឿងបំផ្ទុះនៅលើភូមិ Otradnoye ដែលការវាយប្រហារនេះ បានធ្វើឲ្យខូចបង្អួចផ្ទះឯកជនមួយ ដោយដំបូល និងផ្នែកខាងមុខ ព្រមទាំងផ្ទះបាយនៅខាងក្រៅ ក៏រងការខូចខាតដែរ។ ដោយឡែករថយន្តមួយគ្រឿង បានរងការខូចខាតយ៉ាងធ្ងន់ធ្ងរ ខណៈដែលរថយន្ត ២គ្រឿង ត្រូវភ្លើងឆេះទាំងស្រុង។

លោកអភិបាល បាននិយាយថា ការវាយប្រហារដោយយានដ្រូន បានបំផ្លាញបង្អួចផ្ទះចំនួនពីរ នៅក្នុងភូមិ Petrovka ហើយក៏បានបំផ្លាញដំបូល និងរបងរបស់ពួកវាផងដែរ។ លើសពីនេះ ខ្សែភ្លើង ត្រូវបានខូចខាត ការផ្គត់ផ្គង់អគ្គិសនីទៅកាន់ផ្លូវមួយក្នុងភូមិ ត្រូវបានផ្អាក។ ក្រុមសង្គ្រោះបន្ទាន់ នឹងចាប់ផ្តើមជួសជុលក្នុងពេលឆាប់ៗនេះ ដោយបានន្ថែមថា មិនមានអ្នកស្លាប់ ឬរបួស ដោយសារការវាយប្រហារនោះទេ។