ស្របពេលដែលសីតុណ្ហភាពហក់ឡើងខ្ពស់នៅប្រទេសអ៊ីតាលី ចំនួនមនុស្សស្វែងរកការព្យាបាលនៅតាមមន្ទីរពេទ្យ ក៏កើនឡើងដូចគ្នាដែរ ។

លោកវេជ្ជបណ្ឌិត Luca Di Maurizio គឺជាប្រធានផ្នែកវះកាត់សង្រ្គោះបន្ទាន់នៅមន្ទីរពេទ្យ Island Gemelli និយាយនៅថ្ងៃសុក្រនេះថា ការកើនឡើងការចូលព្យាបាលក្នុងបន្ទប់សង្រ្គោះបន្ទាន់នៅមណ្ឌលសុខភាពទីក្រុងរ៉ូម អំឡុងរដូវក្តៅនេះ មានចំនួនចន្លោះពី ១៥ភាគរយ ទៅ ២០ភាគរយ ខ្ពស់ជាងអំឡុងពេលរដូវរងា ដោយសារជំងឺពាក់ព័ន្ធនឹងកម្តៅ ។

លោក Di Maurizio និយាយថា លើសពីនេះទៅទៀត ពួកយើងនឹងនិយាយពីភ្ញៀវទេសចរដែលមកលេងទីក្រុងរ៉ូម ពួកគេត្រូវធ្វើការជាមួយក្រុមហ៊ុនទេសចរណ៍ ។

លោកបន្តថា សំណាងហើយដែលពួកគេមិនធ្ងន់ធ្ងរ ពួកគេភាគច្រើនគ្រាន់តែចេញរោគសញ្ញានៃការបាត់ជាតិទឹកក្នុងខ្លួនប៉ុណ្ណោះ ។

សូមបញ្ជាក់ថា អ៊ីតាលី បានមើលឃើញការហក់ឡើងខ្ពស់ករណីជំងឺពាក់ព័ន្ធនឹងកម្តៅ(ជំងឺសុរិយរោគ) ស្របពេលប្រទេសមួយនេះ ជួបរលកកម្តៅខ្លាំង ក្នុងនោះសីតុណ្ហភាពបានហក់ឡើងខ្ពស់ជាង ៤០អង្សាសេ នៅតាមតំបន់មួយចំនួន នៅភាគកណ្តាល និងភាគខាងត្បូងប្រទេស ៕