(កណ្តាល) ៖ ឯកឧត្តម ហេង រតនា  ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកំចាត់មីនកម្ពុជា អនុប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តកណ្តាល និង ជាប្រធានក្រុមការងារ រាជរដ្ឋាភិបាលចុះជួយមូលដ្ឋានស្រុកលើកដែកខេត្តកណ្តាល នៅវេលាថ្ងៃសៅរ៍​ ទី១៧​ ខែសីហា​ ឆ្នាំ២០២៤​ បានអញ្ជើញចុះសំណេះសំណាល​សួរសុខទុក្ខលោកគ្រូ-អ្នកគ្រូនៅវិទ្យាល័យប៊ុនរ៉ានី-ហ៊ុនសែនពាមរាំង​ ឃុំពាមរាំង​ ស្រុកលេីកដែក​ ខេត្តកណ្តាល​​ ដោយផ្តល់ការឧបត្ថម្ភគាំទ្រដល់ការបង្រៀនបំប៉នសិស្សថ្នាក់ទី១២​ របស់លោកគ្រូ-អ្នកគ្រូនៅវិទ្យាល័យទាំង៣ នៅស្រុកលេីក​ដែក ដែលសិស្សថ្នាក់ទី១២​ចំនួនជាង ៤០០ នាក់បាននិងកំពុងរៀនបំប៉នត្រៀមប្រលងមធ្យមសិក្សាទុតិយ ភូមិ(បាក់ឌុប) ឆ្នាំសិក្សា ២០២៣ -២០២៤​ ដែលនឹងប្រព្រឹត្តិទៅនៅថ្ងៃទី០៨​ ខែតុលា​ ឆ្នាំ២០២៤ ឆាប់ៗខាងមុខនេះ។ 

  នៅក្នុងឱកាសនោះឯកឧត្តមក៏បានចូលរួមដាំដេីមឈេីក្នុងវិទ្យាល័យប៊ុនរ៉ានី-ហ៊ុនសែនពាមរាំង​ ឃុំពាមរាំង​ ស្រុកលេីកដែក​ ខេត្តកណ្តាល​​​ និងសួរសុខទុក្ខកងកម្លាំងដែលកំពុងពង្រឹងសន្តិសុខក្នុងមូលដ្ឋានផងដែរ។ 

    ឆ្លៀតក្នុងឱកាសនេះ​ ឯកឧត្តម ហេង រតនា ក៏បានពន្យល់បកស្រាយជូនលោកគ្រូ-អ្នកគ្រូក៏ដូចកូនក្មួយជាសិស្សានុសិស្សទាំងអស់ឱ្យបានយល់ច្បាស់ពីគុណប្រយោជន៍គំរោងអភិវឌ្ឍន៍ត្រីកោណ CLV -DTA និងឧបាយកលដ៍ខ្មៅកខ្វក់របស់ក្រុមជ្រុលនិយមដែលបាននិងកំពុងយកលេសប្រឆាំងគំរោងCLV- DTA ជាមធ្យោបាយបង្កចលាចលវឹកវរនិងបំផ្លាញខឿនសុខសន្តិភាពរបស់សង្គមជាតិ៕

អត្ថបទ,ភារម្យ