រមណីយដ្ឋាន កៀនស្វាយក្រៅ ស្ថិតនៅ ភូមិធំ ឃុំភូមិធំ ស្រុកកៀនស្វាយ ខេត្តកណ្តាល នៅ​តែ​ពេញ​និយមសម្រាប់ទេសចរជាតិ អន្តរជាតិ និងប្រជាពលរដ្ឋមូលដ្ឋាន ដោយសារ​តែ​រមណីយដ្ឋាន​នេះ មានទេសភាពស្រស់ស្អាត បរិយាកាសល្អ មានទីលម្ហែច្រើន ពិសេសមានផ្សារ ម្ហូបអាហារ​តាម​បែប​ប្រពៃណី ដែលមានគ្រប់រសជាតិ ជាទីគាប់ចិត្តរបស់ប្រជាពលរដ្ឋ និងទេសចរ ពិសេស​ប្រជា​ពលរដ្ឋមកពី រាជធានី ភ្នំពេញ។

លោក សួស សាម៉ុន ជំទប់ទី១ ឃុំភូមិធំ បញ្ជាក់ ថា នៅរមណីយដ្ឋាននេះ ចាប់​តាំង​ពី​ថ្ងៃ​កកើត​មក​ពុំ​ដែល​ដាច់ភ្ញៀវម្តងណាទេ ជាពិសេស ថ្ងៃចុងសប្តាហ៍ និងថ្ងៃបុណ្យផ្សេងៗ ប្រជាពលរដ្ឋ មន្រ្តី រាជ​ការ សម្រាក ពីការងារ គឺមកសម្រាក កម្សាន្ដនៅរមណីយដ្ឋាននេះជាប្រចាំ ព្រោះមាន ម្ហូប​អាហារ ធម្មជាតិ បែបប្រពៃណី យ៉ាងឆ្ងាញ់ពិសា។

ចំណែក ក្រុមអាជីវករ ប្រជាពលរដ្ឋ ក៏ដូចភ្ញៀវទេសចរ បានសម្តែងការពេញចិត្ត និង​សប្បាយ​រីក​រាយ ដែលរាជរដ្ឋភិបាល ក៏ដូចម្ចាស់ផ្សារ ដែលបានបង្កើត រមណីយដ្ឋាន និងផ្សារនេះឡើង ព្រោះ​បាន​មក​កម្សាន្ត ហើយបានលក់ដូរដាច់ជាប្រចាំ។

សូមបញ្ជាក់ថា រមណីយដ្ឋាន កៀន ស្វាយក្រៅមិនមែនទើបតែកើតមានថ្មីៗនេះនោះទេ គឺ​បាន​កើត​ឡើង​តាំងពីអំឡុង ទសវត្សរ៍ ឆ្នាំ១៩៥០ មកម៉្លះ និងមានការពេញនិយមរហូតដលបច្ចុប្បន្ន ។ រមណីយដ្ឋាននេះ មានចម្ងាយប្រមាណ ១០គ.ម ពីស្ពានព្រះមុន្នី វង្សច្បារអំពៅ រាជធានី ភ្នំពេញ តាមបណ្ដាញផ្លូវជាតិ១៕