ក្នុងរយៈពេលប្រាំសប្តាហ៍ ចាប់តាំងពីប្រធានាធិបតីសហរដ្ឋអាមេរិក លោក Joe Biden បានបោះបង់ចោលបំណងបោះឆ្នោតថ្មីរបស់លោក ជោគវាសនារបស់គណបក្សប្រជាធិបតេយ្យ បានផ្លាស់ប្តូរច្រើន ហើយនៅក្នុងសប្តាហ៍នេះ ការផ្លាស់ប្តូរនឹងត្រូវបានបង្ហាញពេញលេញ។

អនុប្រធានាធិបតី លោកស្រី Kamala Harris ដែលបច្ចុប្បន្ន ជាបេក្ខជនរបស់គណបក្ស បានធ្វើដំណើរទៅកាន់មហាសន្និបាតជាតិគណបក្សប្រជាធិបតេយ្យ ដែលកំពុងមានភាពប្រញាប់ប្រញាល់ជាប្រវត្តិសាស្ត្រ ដែលយុទ្ធនាការរបស់លោកស្រី ទទួលបានការរៃអង្គាសថវិកាខ្ពស់បំផុត និងការប្រមូលផ្តុំអ្នកគាំទ្រ និងបានបង្វែរការបោះឆ្នោតនៅក្នុងរដ្ឋមួយចំនួនឲ្យស្ថិតក្នុងការគាំទ្រគណបក្សប្រជាធិបតេយ្យ។

លោកស្រី Harris និងអ្នករួមការងាររបស់លោកស្រី អភិបាលរដ្ឋ Minnesota លោក Tim Walz បានប្រែក្លាយ «ភាពរីករាយ» ទៅជាពាក្យនៃយុទ្ធនាការ ដែលជាការរំលឹកដ៏ច្បាស់លាស់អំពីភាពអស់សង្ឃឹម ដែលគណបក្សទទួលបាន កាលពីប៉ុន្មានសប្តាហ៍មុន។

លោក Joseph Foster អតីតប្រធានគណបក្សប្រជាធិបតេយ្យអាយុ ៧១ ឆ្នាំនៅជាយក្រុង Philadelphia ដែលនៅតែសកម្មក្នុងគណបក្សបាននិយាយថា «នេះជាការផ្លាស់ប្តូរជាប្រវត្តិសាស្ត្រមួយ»។ មនុស្សជាច្រើនបានសាទរ យុវជនបានចូលរួម ហើយលោកពុំដែលបានឃើញអ្វីបែបនេះទេ។

នៅសល់ពេលមិនដល់ ៨០ ថ្ងៃទៀតនោះទេ ឈានដល់ថ្ងៃបោះឆ្នោត គណបក្សនេះសង្ឃឹមថានឹងមានការសាទរក្នុងការទទួលបានជ័យជំនះ។ នោះនឹងធ្វើឱ្យ លោកស្រី Harris ជាជនជាតិស្បែកខ្មៅដំបូងគេ និងជាអ្នកដែលមានដើមកំណើតអាស៊ី ជាអនុប្រធាន នឹងក្លាយជាប្រធានាធិបតីស្ត្រីដំបូង របស់ប្រទេស។