កំពង់ឆ្នាំង : របាំងសាច់អួនជិត១ពាន់ម៉ែត្រ មាន៣របាំង បានកើតមាននៅក្នុងរដូវបិទនេសាទនេះ និងបានប្រើបច្ចេកទេសថ្មីដាក់ដបទឹកសុទ្ធពង្រាយជំនួសបង្គោលបន្លំភ្នែកសមត្ថកិច្ច នៅចំណុចកោះទន្លៀ ឃុំប្រឡាយមាស ស្រុកកំពង់លែង មិនទាន់មានការបង្ក្រាបនៅឡើយ។

លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់ និងនេសាទខេត្តបានថ្លែងថា : លោកនឹងបញ្ជារមន្ត្រីជលផលខណ្ឌនិងសង្កាត់

ចុះបង្ក្រាបក្នុងពេលឆាប់ៗនេះឲ្យអស់នៅចំណុចខាងលើនេះ។

ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានបញ្ជាក់ថា : រដ្ឋបាលក្រុងស្រុកត្រូវតែអនុវត្តច្បាប់ឲ្យបានម៉ឺងម៉ាត់ដោយសហការជាមួយជំនាញបង្ក្រាបបទល្មើសខាងលើនេះឲ្យអស់មិនឲ្យកើតមានបែប នេះឡើយ។ ការបង្ក្រាបបទល្មើសនេះត្រូវ តែប្រមូលវត្ថុតាងខុសច្បាប់ដុតបំផ្លាញកំ ទេចចោលនៅ និងកន្លែង ជៀសវាងការរិះ គន់ថា សមត្ថកិច្ចយកវត្ថុតាងទាំងនោះទៅលក់ឬប្រគល់ឲ្យម្ចាស់វិញជាថ្នូរនិងលុយជាដើម។ ក្នុងនោះជំនាញត្រូវតែកសាងសំណុំរឿងបទល្មើសធំៗដូចនេះ ស្រាវជ្រាវរកជនល្មើស បញ្ជូនខ្លួនទៅតុលាការខេត្តផ្ដន្ទទោសតាមបញ្ញត្តិច្បាប់ ទើបការបង្ក្រា បបទល្មើសនេសាទមានប្រសិទ្ធភាព និងដើម្បីកាត់បន្ថយការចុះបង្ក្រាបបទល្មើសនៅចំណុចដដែលៗនាំឲ្យខាតពេលវេលា ខាតកងកម្លាំង ខាតប្រេងចាក់មធ្យោបាយទៀតនោះឡើយ ៕ កាំង ហុងវាស្នា