ក្រុមអ្នកជំនាញខាងយោធាបានបង្ហើបទៅសារព័ត៌មាន Fox News Digital ថា អ៊ីរ៉ង់នៅតែមានលទ្ធ ប្រកាសខ្លួនឯងថាជាមហាអំណាចនុយក្លេអ៊ែរនៅឆ្នាំនេះ ខណៈអនាគតនយោបាយរបស់សហរដ្ឋអាមេរិក មានភាពមិនច្បាស់លាស់ នៅពេលការបោះឆ្នោតប្រធានាធិបតីគ្របដណ្ដប់ដោយភាពតានតឹង។  

លោក ជេមស៍ ខារ៉ាហ្វាណូ (James Carafano) អនុប្រធាននៃការសិក្សាគោលនយោបាយការបរទេស និងស្រាវជ្រាវផ្នែកការពារជាតិ Heritage Foundation បាននិយាយថា ខ្ញុំគិតថានោះជាជម្រើសពិតប្រាកដ។ ខ្ញុំចង់បានន័យថា ប្រសិនបើខ្ញុំជាជនជាតិអ៊ីរ៉ង់ ខ្ញុំនឹងធ្វើឥឡូវនេះ ព្រោះលោក Biden នឹងមិនធ្វើអ្វីបានទេ។    

អ៊ីស្រាអែលមានក្ដីបារម្ភណាស់ ហើយអ្នកនៅសល់ពេលប៉ុន្មានខែទៀត ប្រសិនបើលោក Trump ឈ្នះការបោះឆ្នោត ហើយមុនលោកឡើងកាន់អំណាច អ៊ីរ៉ង់បានបង្កើតនុយក្លេអ៊ែររួចទៅហើយ ។

លោក Carafano បានបន្ថែមថា លោកនឹងមិនចាប់ផ្តើមសង្គ្រាមលោកលើកទី ៣ មែនទេ?អញ្ចឹងលោក នឹងមិនចូលមកនៅថ្ងៃដំបូងភ្លាម ទម្លាក់គ្រាប់បែកលើអ៊ីរ៉ង់ភ្លែតនោះទេ។

លោកឧត្តមសេនីយ៍ឯកផ្នែកកងទ័ពអាកាសអាមេរិកលោក Charles Moore ដែលបានចូលនិវិត្តន៍ បានយល់ព្រមជាមួយការសន្និដ្ឋានរបស់លោក Carafano ដោយហៅថាជា ពិតជាអាចទៅរួច ដែលថាអ៊ីរ៉ង់អាចប្រកាសខ្លួនជាមហាអំណាចនុយក្លែរនៅឆ្នាំនេះ ប៉ុន្តែលោកបានកត់សម្គាល់ពីអំណាចមានកម្រិតនៃការប្រកាសសមត្ថភាពនុយក្លេអ៊ែរ ជាចម្បងថា ការប្រកាសខ្លួនឯងជាមហអំណាចនុយក្លេអ៊ែរ នឹងអាចមានប្រសិទ្ធភាពពិតប្រាកដ។ ការដាក់ពង្រាយ និងប្រើប្រាស់អាវុធនុយក្លេអ៊ែរ គឺជារឿងពីរផ្សេងគ្នាទាំងស្រុង៕