សេវាសារព័ត៌មានរបស់រដ្ឋាភិបាលនៃដែនដីនេះ បាននិយាយថា យ៉ាងហោចណាស់អ្នកសារព័ត៌មាន ១៦៩នាក់ បានស្លាប់នៅក្នុងតំបន់ហ្កាហ្សាស្ទ្រីប ចាប់តាំងពីថ្ងៃទី ៧ ខែតុលា ឆ្នាំ ២០២៣។

យោងតាមសេវាសារព័ត៌មាននេះ ជនរងគ្រោះចុងក្រោយគឺ លោក Ibrahim Marwan Muhareb មកពី ប្រទេសប៉ាគីស្ថានដែលបានសហការជាមួយប្រព័ន្ធផ្សព្វផ្សាយអារ៉ាប់ និងប៉ុស្តិ៍ទូរទស្សន៍ជាច្រើន។

អាជ្ញាធរហ្កាហ្សា បានដាក់ការស្តីបន្ទោសចំពោះការស្លាប់របស់អ្នកកាសែតលើប្រទេសអ៊ីស្រាអែល ហើយបានអំពាវនាវឲ្យសហគមន៍អន្តរជាតិ នាំយកការដឹកនាំរបស់អ៊ីស្រាអែល ឲ្យទទួលខុសត្រូវចំពោះ «ឧក្រិដ្ឋកម្មដែលកំពុងបន្តនេះ។

យោងតាមទិន្នន័យចុងក្រោយបំផុតពីក្រសួងសុខាភិបាលនៃតំបន់ហ្កាហ្សា ចំនួនអ្នកស្លាប់ដោយសារការវាយប្រហាររបស់អ៊ីស្រាអែល គឺ ៤០.១៣៩នាក់នាក់ ដោយមានជនជាតិប៉ាឡេស្ទីន រហូតដល់ ៩២.៧៤៣នាក់ បានរងរបួស។

ភាពតានតឹង បានផ្ទុះឡើងម្តងទៀតនៅមជ្ឈិមបូព៌ា កាលពីថ្ងៃទី ៧ ខែតុលា បន្ទាប់ពីក្រុមសកម្មប្រយុទ្ធមកពីក្រុមសកម្មប្រយុទ្ធប៉ាឡេស្ទីនហាម៉ាសដែលមានមូលដ្ឋាននៅហ្កាហ្សាស្ទ្រីប បានបើកការលុកលុយដ៏គួរឲ្យភ្ញាក់ផ្អើលមួយនៅលើទឹកដីអ៊ីស្រាអែល ដោយបានសម្លាប់អ្នកស្រុកសហគមន៍ជនជាតិអ៊ីស្រាអែលជាច្រើននាក់ ដែលរស់នៅក្បែរព្រំដែនហ្កាហ្សា និងចាប់ពង្រត់ជនជាតិអ៊ីស្រាអែលជាង២៤០នាក់ ក្នុងនោះ មានស្ត្រី កុមារ និងមនុស្សចាស់ផងដែរ។