ក្រសួងការពារជាតិរុស្ស៊ី បានរាយការណ៍ថា កងម៉ារីននៃកងពលតូចថ្មើរជើងឆ្មាំដាច់ដោយឡែកលេខ ៨១០ នៃកងនាវាសមុទ្រខ្មៅ បានចាប់ទាហានអ៊ុយក្រែនជាច្រើននាក់ បំផ្លាញគ្រឿងយុទ្ធោបករណ៍របស់សត្រូវចំនួន ៩គ្រឿង និងរឹបអូសរថពាសដែក Stryker ចំនួនពីរគ្រឿង ក្នុងអំឡុងពេលប្រយុទ្ធ នៅក្នុងតំបន់ Kursk។

យោងតាមយោធា កងម៉ារីន បានបញ្ឈប់ការរុលចូលទៅមុខនៃរបស់ទាហានអ៊ុយក្រែន។

ក្រសួងបានបញ្ជាក់ថា៖«ក្នុងអំឡុងពេលប្រយុទ្ធគ្នា គ្រឿងយុទ្ធោបករណ៍របស់សត្រូវចំនួន ៩គ្រឿង ត្រូវបានបំផ្លាញ ក្នុងនោះមានរថពាសដែក Stryker និង Kozak រថពាសដែក HMMWV ក៏ដូចជាយុទ្ធជននៃកងពលតូចវាយប្រហារតាមអាកាសលេខ ៨២របស់អ៊ុយក្រែន។ រថពាសដែក Stryker ចំនួនពីរគ្រឿង រថពាសដែក Roshel ផលិតនៅប្រទេសកាណាដាមួយគ្រឿង ហើយរថយន្ត Cougar ត្រូវបានរឹបអូស។ យោងតាមទាហានរុស្ស៊ី សត្រូវមិនបានរំពឹងថា នឹងមានការវាយប្រហារដ៏តានតឹងបែបនេះទេ។

ក្រសួងក៏បានចង្អុលបង្ហាញថា បន្ទាប់ពីការវាយប្រហារផ្នែកខាងមុខមិនជោគជ័យ យោធាអ៊ុយក្រែន បានព្យាយាមគេចពីក្រុមប្រយុទ្ធជនរុស្ស៊ី ប៉ុន្តែដោយសារយុទ្ធវិធីរបស់មេបញ្ជាការក្រុមវាយប្រហារផែនការរបស់ពួកគេ បានបរាជ័យ។ បន្ទាប់មក កងម៉ារីន អាចចាប់យកទីតាំងសំខាន់ៗសម្រាប់គ្រប់គ្រងបន្ថែមទៀត និងការបំផ្លាញគ្រឿងយុទ្ធោបករណ៍ធុនស្រាល និងធុនធ្ងន់របស់សត្រូវ។