ប្រទេសនានានៅទូទាំងអាស៊ីអាគ្នេយ៍ កំពុងបង្កើនការឆ្លើយតបរបស់ពួកគេចំពោះការផ្ទុះឡើងនៃមេរោគជំអុតស្វាដែលពីមុនត្រូវបានគេស្គាល់ថា ជាជំងឺអុតស្វា បន្ទាប់ពីមានការព្រមាននាពេលថ្មីៗនេះ ពីមន្ត្រីសុខាភិបាល។ ការរួមបញ្ចូលគ្នានៃការឃ្លាំមើល ការពិនិត្យសុខភាព និងការទំនាក់ទំនងសុខភាពសាធារណៈកំពុងត្រូវបានបង្កើនឡើង ដើម្បីគ្រប់គ្រងស្ថានការណ៍ប្រកបដោយប្រសិទ្ធភាព។

ប្រទេសម៉ាឡេស៊ី បានបង្កើនកម្រិតនៃការប្រុងប្រយ័ត្ន ខណៈក្រសួងសុខាភិបាល បង្កើនការឃ្លាំមើលនៅគ្រប់ច្រកចូលអន្តរជាតិ។ នេះរួមបញ្ចូលទាំងការត្រួតពិនិត្យអ្នកដំណើរមកពីប្រទេសដែលករណីមេរោគអ៊ុតស្វា ត្រូវបានរាយការណ៍ ដោយតម្រូវឲ្យពួកគេតាមដានស្ថានភាពសុខភាពរបស់ពួកគេរយៈពេល ២១ថ្ងៃនៅពេលមកដល់។ 

ក្រសួង បានកត់ត្រាករណីជំងឺអុតស្វាចំនួន ៩ករណីរួចហើយ ចាប់តាំងពីការរកឃើញលើកដំបូង នៅថ្ងៃទី ២៦ ខែកក្កដា ឆ្នាំ ២០២៣។ ជាសំណាងល្អ បុគ្គលទាំងអស់ដែលរងផលប៉ះពាល់ បានជាសះស្បើយ ដោយអាជ្ញាធរ បានសង្កត់ធ្ងន់លើសារៈសំខាន់នៃការរាយការណ៍អំពីរោគសញ្ញាដូចជាកន្ទួល ឬពងបែកដើម្បីការពារការរីករាលដាល។

បុគ្គលិកថែទាំសុខភាព ត្រូវបានណែនាំឲ្យជូនដំណឹងអំពីករណីសង្ស័យ ឬករណីដែលបានបញ្ជាក់ភ្លាមៗទៅកាន់ការិយាល័យសុខាភិបាលស្រុក ដើម្បីសម្រួលដល់វិធានការបង្ការ និងត្រួតពិនិត្យប្រកបដោយប្រសិទ្ធភាព។ រដ្ឋាភិបាលម៉ាឡេស៊ី ក៏បានធានាដល់ពលរដ្ឋអំពីភាពអាចរកបាននៃមន្ទីរពិសោធន៍ដែលមានសមត្ថភាពធ្វើរោគវិនិច្ឆ័យ ដោយមានសម្ភារៈចំនួនដប់ រួមទាំងឯកជនចំនួនពីរដែលត្រៀមរួចជាស្រេចសម្រាប់បម្រើសេវា។