ក្រសួងអប់រំរបស់ប្រទេសន័រវេស បានប្រកាសកាលពីថ្ងៃអង្គារថា ការស្ទង់មតិថ្មីមួយក្រោមប្រធានបទ «សំណួរសម្រាប់សាលារៀននៅប្រទេសន័រវេស» បង្ហាញថា៩៦ភាគរយនៃសាលាបឋមសិក្សានៅប្រទេសន័រវេស បានអនុវត្តការរឹតបន្តឹង លើការប្រើប្រាស់ទូរស័ព្ទដៃ។

ការណែនាំថ្មីៗដើម្បីហាមឃាត់ទូរស័ព្ទដៃនៅក្នុងថ្នាក់រៀនត្រូវបានចេញដោយមន្ទីរអប់រំប្រទេសន័រវេស ក្នុងគោលបំណងជំរុញបរិយាកាសសាលារៀនឱ្យកាន់តែប្រសើរ ដោយកាត់បន្ថយការរំខាន និងបង្កើនការសិក្សារៀនសូត្រ។

ក្រៅពីសាលាបឋមសិក្សា ការស្ទង់មតិបានបង្ហាញថា៦៤ភាគរយនៃសាលាអនុវិទ្យាល័យ ក៏បានដាក់ការរឹតបន្តឹងលើការប្រើប្រាស់ទូរស័ព្ទដៃ និងនាឡិកាឆ្លាតវៃ ទៅក្នុងក្រមប្រតិបត្តិរបស់សាលារៀនពួកគេ។ 

រដ្ឋមន្ត្រីក្រសួងអប់រំ លោកស្រី Kari Nessa Nordtun បាននិយាយថា លោកស្រី ពិតជារីករាយចំពោះការហាមប្រាមទូរស័ព្ទនៅក្នុងសាលារៀនរបស់ប្រទេសន័រវេស។

លោកស្រីនិយាយថា មតិកែលម្អដំបូងបង្ហាញថា ការណែនាំទាំងនេះមានផលប៉ះពាល់ជាវិជ្ជមានខ្លាំង។ ស្ទើរតែរាល់ថ្ងៃ លោកស្រីស្តាប់ឮរឿងរ៉ាវអំពីការកើនឡើងនៃភាពសប្បាយរួមគ្នា សកម្មភាពកាន់តែច្រើន និងអារម្មណ៍រវើរវាយ។

កាលពីដើមឆ្នាំនេះ រដ្ឋមន្ត្រី បានប្រគល់ភារកិច្ចឱ្យមន្ទីរអប់រំ ក្នុងការស្វែងយល់ពីបទប្បញ្ញត្តិដ៏មានសក្តានុពលនៃការប្រើប្រាស់ទូរស័ព្ទដៃនៅក្នុងសាលារៀន។ កាលពីខែកុម្ភៈ នាយកដ្ឋាន បានចេញគោលការណ៍ណែនាំដល់សាលារៀន ឱ្យកំណត់ការប្រើប្រាស់ទូរស័ព្ទដៃក្នុងអំឡុងពេលម៉ោងសិក្សា ដោយពង្រីងការរឹតបន្តឹងទាំងនេះ រហូតដល់ការបញ្ឈប់ទាំងនៅសាលាបឋមសិក្សា និងអនុវិទ្យាល័យ។