អ្នកនាំពាក្យក្រសួងការបរទេសរុស្ស៊ីអ្នកស្រី Maria Zakharova បាននិយាយថា សេចក្តីថ្លែងការណ៍របស់រដ្ឋមន្ត្រីការពារជាតិឡាតវី លោក Andris Spruds អំពីចេតនារបស់ប្រទេសក្នុងការបញ្ជូនយានដ្រូនដែលផលិតនៅឡាតវីមួយក្រុមទៀត ទៅកាន់អ៊ុយក្រែន បញ្ជាក់ពីការចូលរួមកាន់តែខ្លាំងឡើងរបស់ប្រទេសបាល់ទិកនេះ នៅក្នុងជម្លោះអ៊ុយក្រែន។ 

នៅក្នុងការអត្ថាធិប្បាយមួយដែលត្រូវបានបង្ហោះនៅលើគេហទំព័ររបស់ទីភ្នាក់ងារការទូត អ្នកស្រី បានលើកឡើងថា៖«យើងចាត់ទុកការអត្ថាធិប្បាយរបស់រដ្ឋមន្ត្រីការពារជាតិឡាតវី លោក Andris Sprudsថា ជាការបញ្ជាក់ពីការកើនឡើងនៃការចូលរួមរបស់រដ្ឋបាល់ទិកនេះក្នុងជម្លោះប្រដាប់អាវុធនៅអ៊ុយក្រែន។      រដ្ឋធានី Riga គឺចេតនាបន្ថែមប្រេងឥន្ធនៈទៅលើភ្លើងដែលកំពុងឆេះ និងបង្កការពង្រីកភូមិសាស្ត្រនៃការប្រយុទ្ធ ដោយមិនលាក់បាំងនូវសេចក្តីរីករាយ ដែលថាអាវុធឡាតវី កំពុងត្រូវបានប្រើប្រាស់ដោយរបបរបស់លោក វ្ល៉ូឌីមី ហ្ស៊េលេនស្គី ដើម្បីសម្លាប់ជនស៊ីវិល និងវាយលុកទីក្រុងរុស្ស៊ី។

អ្នកស្រី បានបន្ថែមថា៖«ជាអកុសល ដោយសារការពិតបច្ចុប្បន្ននៅក្នុងប្រទេសឡាតវី នេះមិនមែនជារឿងគួរឲ្យភ្ញាក់ផ្អើលនោះទេ ចាប់តាំងពីមជ្ឈដ្ឋាននយោបាយក្នុងស្រុក មានអ្នកស្នងមរតកមនោគមន៍វិជ្ជារបស់ លោក Waffen SS ស្ទើរតែទាំងស្រុង ដែលធ្វើឲ្យមានការស្អប់ខ្ពើមយ៉ាងជ្រាលជ្រៅចំពោះប្រទេសរុស្ស៊ី ហើយមានបំណងដោះស្រាយបញ្ហាប្រវត្តិសាស្ត្រជាមួយរុស្ស៊ី។ 

អ្នកស្រី Zakharova បានសង្កត់ធ្ងន់ថា៖«សកម្មភាពដែលចូលចិត្តបង្កសង្គ្រាមរបស់ទីក្រុង Riga នឹងគ្រាន់តែពន្យារភាពឈឺចាប់របស់របបទីក្រងគីវ ដោយមិនប៉ះពាល់ដល់លទ្ធផលនៃប្រតិបត្តិការយោធាពិសេសនោះទេ»។