យោងតាមក្រសួងមហាផ្ទៃបានឱ្យដឹងថា គ្រួសារជាង១២.០០០គ្រួសារ នៅភាគខាងជើងប្រទេសថៃបានរងផលប៉ះពាល់ដោយការបំផ្លិចបំផ្លាញពីទឹកជំនន់ដ៏គំហុក នៅថ្ងៃព្រហស្បតិ៍ ទី២២ សីហា នេះ។

តាមការបញ្ជាក់របស់ក្រសួង បានឲ្យដឹងថា ទឹកជំនន់ ដែលបណ្តាលមកពីភ្លៀងធ្លាក់ខ្លាំងនៅតំបន់ទំនាបត្រូពិច បណ្តាលឱ្យទឹកហូរក្នុងទិសដៅផ្សេងៗគ្នា ដែលប៉ះពាល់ដល់ខេត្តចំនួន៧ នៅតំបន់ភាគខាងជើងរបស់ប្រទេស។

គ្រូបង្រៀនម្នាក់ បង្រៀននៅសាលាមត្តេយ្យក្នុងខេត្ត Phetchabun ដែលត្រូវបិទទ្វាររយៈពេលមួយសប្តាហ៍ បន្ទាប់ពីរងការបំផ្លាញដោយទឹកជំនន់ បាននិយាយថា «វាមិនត្រឹមតែគ្រែដេកប៉ុណ្ណោះទេ ប៉ុន្តែថែមទាំងសម្ភារៈបង្រៀន និងតុសិស្ស ក៏ត្រូវបានបំផ្លាញផងដែរ»។

នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត(Paetongtarn Shinawatra) បានសម្តែងការព្រួយបារម្ភ និងបញ្ជាឱ្យអាជ្ញាធរពាក់ព័ន្ធ ជួយទប់ទល់ និងតាមដានស្ថានភាព។