ក្រសួងការបរទេសរបស់ប្រទេសបែលហ្ស៊ិក បាននិយាយនៅក្នុងការបង្ហោះនៅលើបណ្តាញសង្គម X ថា៖«យោងតាម [អង្គការសហប្រជាជាតិ] ការវាយប្រហារជាង ២០លើក លើសាលារៀនដែលផ្តល់ជម្រកដល់ជនភៀសខ្លួន បានកើតឡើង ចាប់តាំងពីថ្ងៃទី ៤ ខែកក្កដា ដោយបានសម្លាប់មនុស្សជិត ៣០០ នាក់» ។

កាលពីសប្តាហ៍មុន មនុស្សជាង ១០០នាក់ ត្រូវបានសម្លាប់ បន្ទាប់ពីអ៊ីស្រាអែល បានវាយលុកលើសាលារៀនមួយក្នុងទីក្រុងហ្កាហ្សា ដែលផ្តល់ជម្រកដល់ជនភៀសខ្លួនប៉ាឡេស្ទីន ខណៈដែលអង្គការសហប្រជាជាតិ បានចោទប្រកាន់អ៊ីស្រាអែលពីការវាយប្រហារកាន់តែខ្លាំងទៅលើសាលារៀន។

ការគោលដៅទៅលើសាលា al-Tabin កាលពីថ្ងៃសៅរ៍ក្នុងអំឡុងពេលអធិស្ឋានពេលព្រឹក បានបង្កឲ្យផ្ទុះ កំហឹងជាសកល។

ក្រុមគ្រូពេទ្យសង្គោះបឋមនៅកន្លែងកើតហេតុ បានពណ៌នាការសម្លាប់នេះថា ជារឿងដ៏គួរឲ្យរន្ធត់ដោយ«សាកសព ត្រូវបានរហែកជាបំណែកៗ»។ អ៊ីស្រាអែល បានអះអាងថា ក្រុមហាម៉ាស និងក្រុមជីហាដឥស្លាមប៉ាឡេស្ទីន កំពុងប្រតិបត្តិការពីសាលា ដែលជាការអះអាងមួយ ត្រូវបានក្រុមហាម៉ាសច្រានចោលទាំងស្រុង។