ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក Anatoly Antonov បានប្រាប់ទូរទស្សន៍ Channel One ថា ទីក្រុងវ៉ាស៊ីនតោន អាចនឹងបញ្ចប់យ៉ាងងាយស្រួលចំពោះសកម្មភាពរបស់អ៊ុយក្រែន នៅក្នុងតំបន់ព្រំដែននៃទីក្រុង Kursk របស់រុស្ស៊ី ប្រសិនបើខ្លួនពិតជាចង់បាន។

នៅពេលត្រូវបានសួរថាតើមានហេតុផលដើម្បីជឿថា សហរដ្ឋអាមេរិក ត្រូវបានជូនដំណឹងអំពីផែនការរបស់អ៊ុយក្រែនជាមុនដែរឬទេ អ្នកការទូតរូបនេះ បាននិយាយថា លោក«ជឿជាក់យ៉ាងមុតមាំ»ដែលទីក្រុងគីវ ស្វែងរកការយល់ព្រមជាមុន ពីសហរដ្ឋអាមេរិកសម្រាប់សកម្មភាពទាំងអស់របស់ខ្លួន។

លោកបាននិយាយថា ដូចដែលយើងបានដឹងពីប្រភពផ្សេងៗគ្នា អ្នកជំនាញខាងយោធា និងយោធារាប់ម៉ឺនពាន់នាក់ គឺជាទីប្រឹក្សារបស់[ប្រធានាធិបតីអ៊ុយក្រែន] វ៉្លូឌីមី ហ្ស៊េឡិនស្គី។ ប្រសិនបើជនជាតិអាមេរិក ពិតជាមិនយល់ស្របចំពោះអ្វីដែលកំពុងកើតឡើងនៅក្នុងតំបន់ Kursk ដែលនៅពេលនេះ ជាកន្លែងជនស៊ីវិល កុមារ ស្ត្រី និង លោកបាននិយាយថា មនុស្សចាស់ កំពុងត្រូវបានសម្លាប់ ទីក្រុងគីវ នឹងបញ្ឈប់សកម្មភាពបែបនេះភ្លាមៗ។«ដូច្នេះចម្លើយរបស់ខ្ញុំ គឺច្បាស់លាស់៖ជនជាតិអាមេរិក បានដឹងអ្វីៗគ្រប់យ៉ាង ហើយគ្មានអ្វីកើតឡើង ដោយពួកគេ មិនបានដឹងនោះឡើយ»។