ទីភ្នាក់ងារជំនួយមនុស្សធម៌របស់អង្គការសហប្រជាជាតិ បាននិយាយកាលពីថ្ងៃសុក្រទី២៣ ខែសីហាថា ទីភ្នាក់ងារផ្តល់ជំនួយដែលប្រឈមមុខនឹងហានិភ័យខ្ពស់នៃការរីករាលដាលនៃជំងឺស្វិតដៃជើង នៅក្នុងតំបន់ហ្កាហ្សាកាន់តែធំឡើង បានចាប់ផ្តើមរៀបចំសម្រាប់យុទ្ធនាការចាក់វ៉ាក់សាំង។

ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បាននិយាយថា ទីភ្នាក់ងារជំនួយរបស់UN សម្រាប់ជនភៀសខ្លួនប៉ាឡេស្ទីន ដែលត្រូវបានគេស្គាល់ថា UNRWA និងមូលនិធិកុមាររបស់អង្គការសហប្រជាជាតិ (UNICEF) កំពុងធ្វើការជាមួយក្រសួងសុខាភិបាលនៃតំបន់ហ្កាហ្សា ដើម្បីគ្រប់គ្រងវ៉ាក់សាំងជំងឺស្វិតដៃជើងចំនួនពីរលើកដល់កុមារអាយុក្រោម ១០ឆ្នាំ ជាង ៦៤០.000 នាក់ ក្នុងរយៈពេលប៉ុន្មានសប្តាហ៍ខាងមុខនេះ។ 

លោក Stephane Dujarric ប្រធានអ្នកនាំពាក្យរបស់អគ្គលេខាធិការអង្គការសហប្រជាជាតិលោក អង់តូនីញ៉ូ ហ្គុយតឺរេស (Antonio Guterres) បានប្រាប់អ្នកយកព័ត៌មានក្នុងអំឡុងសន្និសីទមួយថា ក្រុមមនុស្សធម៌ បានផ្លាស់ប្តូររថយន្តដឹកទំនិញដែលមានទូរកកទៅកាន់តំបន់ហ្កាហ្សា ដើម្បីរៀបចំរក្សាខ្សែច្រវ៉ាក់ត្រជាក់ដែលចាំបាច់សម្រាប់វ៉ាក់សាំងទាំងនោះ

លោក Dujarric បាននិយាយថា ស្ថាប័នពិភពលោកមានបុគ្គលិកពេទ្យរួចហើយ ដើម្បីគ្រប់គ្រងកម្រិតថ្នាំ។ វ៉ាក់សាំង មិនទាន់មកដល់ទេ។

លោក បាននិយាយថា គោលបំណង គឺសម្រាប់ការផ្អាកមនុស្សធម៌នៅក្នុងជម្លោះ ដើម្បីឲ្យបុគ្គលិក និងកុមារមានសុវត្ថិភាពក្នុងអំឡុងពេលយុទ្ធនាការ នៅចុងខែនេះ និងដើមខែកញ្ញា។