នៅពេលមកដល់រមនីយដ្ឋាន Blue Lagoon ភាគនិរតីនៃប្រទេសអ៊ីស្លង់កាលពីថ្ងៃព្រហស្បតិ៍ (ទី២២ សីហា) អ្នកទេសចរជនជាតិអាមេរិកអ្នកស្រី Ale និង លោក Andrew Kenney ត្រូវបានបុគ្គលិកព្រមានថា មានសកម្មភាពភ្នំភ្លើង នៅក្នុងតំបន់ក្បែរនោះ។

អ្នកទាំងពីរ ដែលបច្ចុប្បន្នកំពុងធ្វើដំណើរកម្សាន្តរយៈពេល ៩ខែជុំវិញពិភពលោកដោយជិះនាវាទេសចរណ៍ បានសន្មតថា វាគ្រាន់តែជាអ្វីមួយដែលបុគ្គលិក «ត្រូវនិយាយជារៀងរាល់ថ្ងៃ» ដែលជាផ្នែកនៃប្រតិបត្តិការធម្មតាប៉ុណ្ណោះ។

បន្ទាប់ពីហែលទឹកនៅក្នុងអាងទឹកក្តៅប្រហែល ២០នាទី សំឡេងរោទិ៍ បានបន្លឺឡើង ហើយពួកគេបានដឹងថា ការព្រមាននេះ គឺពិតជាមានប្រាកដមែន។

អ្នកស្រី Ale បានប្រាប់សារព័ត៌មានរ៉យទ័រពីរដ្ឋធានីអ៊ីស្លង់ កាលពីថ្ងៃសុក្រ (ទី២៣ ខែសីហា)ថា ខ្ញុំងាកមកវិញហើយអ្នករាល់គ្នា កំពុងតែរត់ចេញពីអាងហែលទឹក។ ដូច្នេះហើយយើងបានដឹងថា ពេលនោះ វាធ្ងន់ធ្ងរណាស់ដែលភ្នំភ្លើងមួយ កំពុងផ្ទុះ ឬហៀបនឹងនឹងផ្ទុឡើងនោះ។ ដូច្នេះហើយយើងបានព្យាយាមអស់ពីសមត្ថភាព ដើម្បីចេញពីអាងឲ្យបានលឿនបំផុត តាមដែលយើងអាចធ្វើបាន»។