ដោយប្រមូលផ្តុំគ្នានៅខាងក្រៅភោជនីយដ្ឋានមួយក្នុងទីក្រុងការ៉ាជី ( Karachi) ប្រទេសប៉ាគីស្ថានក្នុងសប្តាហ៍នេះ ក្រុមអ្នកដឹកជញ្ជូនទំនិញ កំពុងសម្លឹងមើលទូរស័ព្ទរបស់ពួកគេ ដែលកំពុងជួបបញ្ហាជាមួយនឹងការ   តភ្ជាប់អ៊ីធឺណិតដំណើរការមិនល្អ និងព្រួយបារម្ភអំពីប្រាក់ចំណូលរបស់ពួកគេ ទទួលបានផលប៉ះពាល់ខ្លាំង។

អ្នកបើកបរដឹកជញ្ជូនម្នាក់ ឈ្មោះ Mohammad Tariq បាននិយាយថា គាត់និងសហការីរបស់គាត់ មានការតស៊ូ ដើម្បីចាប់ផ្តើមការផ្លាស់ប្តូររបស់យើង ដោយសារតែមិនមានអ៊ីនធឺណិត ដោយបន្ថែមថា វាបានធ្វើឲ្យពួកគេបាត់បង់ រហូតដល់ទៅ ៧០ភាគរយនៃប្រាក់ចំណូលរបស់ពួកគេ។

អ៊ីនធឺណិតយឺតអូសបន្លាយពេលជាយូរមកហើយក្នុងប្រទេសប៉ាគីស្ថាន កំពុងរំខានដល់សេវាកម្ម និងប៉ះពាល់ដល់ជីវភាពរបស់កម្មករជាច្រើនដែលពឹងផ្អែកលើការទំនាក់ទំនងតាមអ៊ីនធឹណិតនេះ។

ប្រព័ន្ធផ្សព្វផ្សាយក្នុងស្រុក បានសន្មតថា ការតភ្ជាប់យឺតទៅនឹងការអនុវត្តនូវប្រព័ន្ធការពារការលុកលុយនៅក្នុងកម្មវិធីកុំព្យូទ័រ ដោយរដ្ឋាភិបាល ដើម្បីត្រួតពិនិត្យ និងគ្រប់គ្រងមាតិកា និងវេទិកាប្រព័ន្ធផ្សព្វ ផ្សាយសង្គម។