ហ្វីលីពីន៖ តំបន់រដ្ឋធានីរបស់ប្រទេសហ្វីលីពីន នឹងចាកចេញពីវិធានការការរឹតត្បិតវីរុស COVID-19 ដែលមានលក្ខណៈទូលំទូលាយចាប់ពីថ្ងៃព្រហស្បតិ៍ ទី១៦ ខែកញ្ញា ខណៈដែលរដ្ឋាភិបាលបើកការសាកល្បងវិធានការការបិទខ្ទប់ក្នុងតំបន់ ក្នុងពេលមានកិច្ចប្រឹងប្រែងដើម្បី ធ្វើឱ្យមានតុល្យភាពឡើងវិញនូវសេដ្ឋកិច្ច និងទប់ស្កាត់ការរាលដាលវីរុសឆ្លង។
មន្ត្រីបាននិយាយថា វិធានការបិទខ្ទប់ក្នុងតំបន់នឹងត្រូវមានកម្រិតអាសន្នចំនួន ៥ ដែលកំណត់ពីជួរអាជីវកម្មដែលអនុញ្ញាតឱ្យដំណើរការ រួមទាំងសកម្មភាពដែលផ្តោតលើបុគ្គលដែលទទួលវ៉ាក់សាំងបង្ការ។ ប្រសិនបើជោគជ័យ រូបមន្តដូចគ្នានេះអាចត្រូវបានអនុវត្តនៅទូទាំងប្រទេសហ្វីលីពីន ដែលកំពុងប្រយុទ្ធប្រឆាំងនឹងការផ្ទុះឡើងវីរុសឆ្លងដ៏អាក្រក់បំផុតមួយនៅអាស៊ី។ ការផ្លាស់ប្តូរយុទ្ធសាស្ត្រវីរុស COVID-19 របស់រដ្ឋាភិបាលអាចត្រួសត្រាយផ្លូវក្នុងពេលឆាប់ៗនេះ សម្រាប់ថ្នាក់រៀនទល់មុខគ្នាដែលកំណត់ និងការបើកទីតាំងកម្សាន្តឡើងវិញនៅក្នុងតំបន់ដែលមានការចម្លងវីរុសទាប និងធ្វើឲ្យសមត្ថភាពមន្ទីរពេទ្យគ្រប់គ្រាន់។
ចាប់ពីថ្ងៃព្រហស្បតិ៍ កម្រិតប្រកាសដាក់រដ្ឋក្នុងគ្រាអាសន្ននឹងត្រូវផ្លាស់ប្តូរនៅក្នុងទីក្រុងម៉ានីល ដែលអនុញ្ញាតឱ្យទទួលទានអាហារនៅខាងក្រៅ ដែលមានសមត្ថភាពត្រឹមតែ ៣០% និងទទួលទានអាហារនៅបរិវេណខាងក្នុងសម្រាប់ក្រុមតូចៗ ដែលចាក់វ៉ាក់សាំងពេញលេញ។ ប្រទេសហ្វីលីពីនមានករណីឆ្លងវីរុស COVID-19 ចំនួន ២,២៦៦,០៦៦ករណី និងមានអ្នកស្លាប់ ៣៥,៥២៩នាក់៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
