ក្រុមមន្ត្រីបាននិយាយកាលពីថ្ងៃចន្ទ សប្ដាហ៍នេះ ថា ចំនួនអ្នកស្លាប់ក្នុងការវាយប្រហារ នៅក្នុងខេត្ត បាលូជីស្ថាន (Balochistan) របស់ប្រទេសប៉ាគីស្ថាន បានឡើងដល់៧៣នាក់ ក្រោយក្រុមសកម្មប្រយុទ្ធបំបែកខ្លួនបានវាយប្រហារប៉ុស្តិ៍នគរបាល ផ្លូវរថភ្លើង និងផ្លូវហាយវេ ហើយកងកម្លាំងសន្តិសុខបានចាប់ផ្តើមប្រតិបត្តិការសងសឹក។

ការវាយប្រហារនេះគឺជាការរីករាលដាលបំផុតក្នុងរយៈពេលជាច្រើនឆ្នាំដោយក្រុមសកម្មប្រយុទ្ធជនជាតិភាគតិចជាច្រើនទសវត្សរ៍ដើម្បីឈ្នះការផ្តាច់ខ្លួននៃខេត្តភាគនិរតី សំបូរទៅដោយធនធាន ដែលជាកន្លែងសម្រាប់គម្រោងសំខាន់ៗ ដឹកនាំដោយប្រទេសចិនដូចជាកំពង់ផែ និងអណ្តូងរ៉ែមាស និងទង់ដែង ជាដើម។

យោធាប៉ាគីស្ថានបាននិយាយថា ទាហាន និងនគរបាល១៤ នាក់ និងក្រុមសកម្មប្រយុទ្ធ ២១ នាក់ត្រូវបានសម្លាប់នៅក្នុងការប្រយុទ្ធគ្នាបន្ទាប់ពីការវាយប្រហារដ៏ធំបំផុតដែលបានដាក់គោលដៅលើរថយន្តក្រុង និងរថយន្តដឹកទំនិញនៅលើផ្លូវហាយវេធំមួយ។

រដ្ឋមន្រ្ដីប្រចាំរដ្ឋបាលូជីស្ថាន បាននិយាយថា ជនស៊ីវិល ៣៨ នាក់ក៏ត្រូវបានសម្លាប់ផងដែរ។ មន្ត្រីក្នុងតំបន់បាននិយាយថា ២៣នាក់ ក្នុងចំណោមពួកគេត្រូវបានសម្លាប់នៅក្នុងការវាយប្រហារតាមដងផ្លូវ បន្ទាប់ពីក្រុមប្រដាប់អាវុធជាបុរសបានត្រួតពិនិត្យអត្តសញ្ញាណអ្នកដំណើរមុនពេលបាញ់សម្លាប់ពួកគេជាច្រើននាក់ និងដុតរថយន្ត។

ក្រុមសកម្មប្រយុទ្ធប្រដាប់អាវុធ Baloch Liberation Army (BLA) បានចេញមុខអះអាងពីស្នាដៃរបស់ពួកគេ ដែលពួកគេហៅថា ហារូហ្វ (Haruf) ។ នៅក្នុងសេចក្តីថ្លែងការណ៍មួយទៅកាន់ក្រុមអ្នកសារព័ត៌មាន ពួកគេបានអះអាងថា នឹងមានការវាយប្រហារកាន់តែច្រើនទៀត ដែលពុំទាន់មានការបញ្ជាក់ដោយក្រុមអាជ្ញាធរនៅឡើយទេ៕