សារព័ត៌មាន USA Today បានរាយការណ៍កាលពីថ្ងៃចន្ទថា ខណៈវគ្គសិក្សាក្នុងរដូវធ្លាក់ទឹកកកដំណើរការនៅមហាវិទ្យាល័យជាច្រើននៅសហរដ្ឋអាមេរិក អ្នកគ្រប់គ្រងកំពុងត្រៀមទប់ទល់សម្រាប់ការកើនឡើងដែលអាចកើតមានមួយផ្សេងទៀតចំពោះសកម្មភាពនៅបរិវេណសាកលវិទ្យាល័យ ដោយបានកត់សម្គាល់ថា ឆ្នាំសិក្សាដែលបានកន្លងទៅ បានបញ្ចប់ដោយភាពខូចប្រយោជន៍ ខណៈការតវ៉ាប្រឆាំងសង្រ្គាម នៅតែបន្តកើតមាននៅបរិវេណសាកលវិទ្យាល័យជាច្រើន ដែលធ្វើឲ្យរំខានដល់ពិធីប្រគល់សញ្ញាប័ត្របញ្ចប់ការសិក្សា និងធ្វើឲ្យប៉ះពាល់ដល់ការសិក្សារបស់និស្សិតមួយចំនួន។

របាយការណ៍បាននិយាយថា «ទោះបីជាបាតុកម្មនៅក្នុងបរិវេណសាកលវិទ្យាល័យ បានស្ងប់ស្ងាត់នៅរដូវក្តៅនេះ ខណៈនិស្សិត បានបំបែកគ្នាក៏ដោយ ប៉ុន្តែលក្ខខណ្ឌនានាជំរុញឱ្យមានរលកនៃសកម្មភាពថ្មីៗ ដែលពុំមានការប្រែប្រួលខ្លាំងនៅឡើយទេ ចាប់តាំងពីនិទាឃរដូវមក»។ ខណៈប្រធានមហាវិទ្យាល័យល្បីៗមួយចំនួន បានចាកចេញពីតួនាទីរបស់ពួកគេ សាកលវិទ្យាល័យជាច្រើនពុំបានផ្លាស់ប្តូរយុទ្ធសាស្រ្តវិនិយោគរបស់ពួកគេជាសំខាន់នោះទេ ។

ការចរចាជាអន្តរជាតិ ជុំវិញបទឈប់បាញ់ដ៏មានសក្តានុពល នៅតំបន់ហ្កាហ្សា មានស្ថានភាពតានតឹងហើយសមាជិកសភា បន្តមើលឃើញពីឱកាសនយោបាយដាក់បញ្ចូលទៅក្នុងកិច្ចពិភាក្សាដេញដោលអំពីរបៀបដែលបរិវេណសាកលវិទ្យា គួរធ្វើសកម្មភាពដើម្បីបង្ក្រាបភាពចលាចល។

ខណៈសកម្មជនវ័យក្មេងជាច្រើន រៀបចំបង្កើនសន្ទុះតវ៉ាជាថ្មីម្តងទៀត ច្បាប់កាន់តែតឹងរ៉ឹងកំពុងរង់ចាំពួកគេ នៅបរិវេណសាកលវិទ្យាល័យមួយចំនួន។

យោងតាមរបាយការណ៍បានឱ្យដឹងថា ការដាក់ទណ្ឌកម្មសម្រាប់ការតវ៉ាប្រឆាំងសង្គ្រាម មានភាពខុសគ្នាច្រើន នៅទូទាំងបរិវេណសាកលវិទ្យាល័យ។