បុគ្គលិកតុលាការ បានតវ៉ាដោយបានបិទផ្លូវចូលទៅកាន់អគារតុលាការកំពូលក្នុងទីក្រុង Mexico City កាលពីថ្ងៃព្រហស្បតិ៍ ដើម្បីតវ៉ាចំពោះផែនការរបស់រដ្ឋាភិបាល ក្នុងការកែទម្រង់ប្រព័ន្ធតុលាការ។

កំណែទម្រង់ ជាវិធានការដ៏ចម្រូងចម្រាសដែលពាក់ព័ន្ធទៅនឹងការបោះឆ្នោតជ្រើសរើសចៅក្រម នៃប្រព័ន្ធសហព័ន្ធ ដោយការបោះឆ្នោតក្នុងចំណោមការផ្លាស់ប្តូរផ្សេងៗទៀត ដែលត្រូវបានអនុម័តដោយគណៈកម្មការសភា កាលពីថ្ងៃចន្ទ ទី២៦ ខែសីហា ដែលត្រួសត្រាយផ្លូវសម្រាប់ការជជែកដេញដោលចុងក្រោយ នៅក្រោមសភាថ្មី។

គណបក្សកាន់អំណាច Morena និងសម្ព័ន្ធមិត្តរបស់ខ្លួន ទទួលបានសំឡេងភាគច្រើនពីរភាគបី នៅក្នុងសភាជាន់ទាប ហើយមានសំឡេងតិចនៅក្នុងព្រឹទ្ធសភា។

មេធាវី ចៅក្រមគ្រប់តំបន់ និងចៅក្រមប្រចាំតំបន់ បានមកប្រមូលផ្តុំគ្នានៅខាងក្រៅអគារ នៅព្រឹកថ្ងៃសុក្រនេះ ដោយស្រែកពាក្យស្លោក និងកាន់ស្លាកសញ្ញា ដើម្បីបញ្ឈប់សកម្មភាពរបស់តុលាការកំពូល។

អ្នកគាំទ្រនិយាយថា កំណែទម្រង់នេះ នឹងធ្វើឱ្យលទ្ធិប្រជាធិបតេយ្យប្រសើរឡើង និងជួយជួសជុលប្រព័ន្ធដែលលែងបម្រើដល់សាធារណជន ប៉ុន្តែក្រុមអ្នករិះគន់ និយាយថា វានឹងកាត់ផ្តាច់អាជីពរបស់ចៅក្រម ប្រើអំណាចគាំទ្រនាយកប្រតិបត្តិ ហើយការស៊ើបអង្កេតរបស់ប្រព័ន្ធតុលាការស្ថិតក្រោមឥទ្ធិពលឧក្រិដ្ឋកម្ម។