លោក Tony Kevin អ្នកជំនាញខាងនយោបាយអន្តរជាតិអូស្ត្រាលី បានប្រាប់អ្នកឆ្លើយឆ្លងព័ត៌មាន TASS ថា ប្រតិបត្តិការយោធានៅក្នុងតំបន់ឃើស( Kursk) បានត្រឹមតែពន្យារពេលការចុះចាញ់ដែលចៀសមិនរួចនៃរបបទីក្រុងគីវ ដោយសារស្ថានភាពរបស់រុស្ស៊ី។

លោក ជឿថា ការលុកលុយរបស់កងកម្លាំងប្រដាប់អាវុធអ៊ុយក្រែន មានបំណងបណ្តេញទាហានរុស្ស៊ីចេញពីតំបន់ជួរមុខដូនបាស (Donbass) ដ៏សំខាន់ ហើយធ្វើឲ្យវិមានក្រឹមឡាំង ស្ថិតក្នុងស្ថានភាពស្លន់ស្លោ ប៉ុន្តែវាពិតជាមិនបានកើតឡើងនោះទេ។ 

អ្នកជំនាញរូបនេះ បានចង្អុលបង្ហាញថា នៅក្នុងសង្រ្គាមនៃការបំផ្លាញនេះ ប្រជាជនអ៊ុយក្រែន បានបាត់បង់យ៉ាងខ្លាំងនូវទាហានដែលមានបទពិសោធន៍ ត្រូវបានផ្ទេរពីតំបន់ជួរមុខដូនបាស ដែលពួកគេមិនអាចស៊ូទ្រាំបាន។ រុស្ស៊ីមិនចាំបាច់បញ្ជូនកងកម្លាំង ពីតំបន់ជួរមុខដូនបាសភាគកណ្តាល ទៅកាន់តំបន់   ឃើសនោះទេ។ 

លោក Kevin បានកត់សម្គាល់ថា ទីក្រុងគីវ ក៏បានបរាជ័យក្នុង «បង្កើតព័ត៌មានដ៏ល្អមួយដែលរៀបរាប់អំពីអ៊ុយក្រែនដែលបាន«ប្រយុទ្ធជាមួយសត្រូវ» បន្ទាប់ពីព័ត៌មានដ៏ក្រៀមក្រំឥតឈប់ឈរនៃការដកថយជាលំដាប់របស់អ៊ុយក្រែន ចេញពីតំបន់ជួរមុខដូនបាសភាគកណ្តាល។