ខណៈប្រទេសអាល់ហ្សេរី ខិតជិតដល់ការបោះឆ្នោតប្រធានាធិបតីឆ្នាំ២០២៤ បេក្ខជនសំខាន់ចំនួន៣រូប កំពុងប្រជែងគ្នាសម្រាប់តំណែងកំពូល ក្នុងការបោះឆ្នោតប្រធានាធិបតីដែលគ្រោងធ្វើនៅថ្ងៃទី៧ ខែកញ្ញា។

ក្នុងអំឡុងពេលយុទ្ធនាការ បេក្ខជនប្រធានាធិបតី លោក Youcef Aouchiche មកពីគណបក្សរណសិរ្សកម្លាំងសង្គមនិយម (FFS) របស់គណបក្សប្រឆាំង បានប្រាប់បុរសម្នាក់នៅតាមផ្លូវថា លោកចង់បន្ថែមការគាំទ្រសង្គម សម្រាប់អ្នកដែលជួបការលំបាក។

គណបក្សប្រឆាំងធំដែលនាំមុខគេ ចាប់តាំងពីឆ្នាំ២០២០ លោក Aouchiche កំពុងផ្តោតលើយុទ្ធនាការរបស់លោកលើបញ្ហាសង្គម គាំទ្រជីវភាពរស់នៅដែលធ្វើឲ្យប្រសើឡើង និងកំណែទម្រង់លទ្ធិប្រជាធិបតេយ្យ។ លោកបានដាក់ជំហរខ្លួនលោកថា ជាបេក្ខជនសម្រាប់ការផ្លាស់ប្តូរ ដូចដែលបានបង្ហាញដោយការប្រមូលផ្តុំ និងការហែក្បួនរបស់លោក នៅទីក្រុង Tizi Ouzou ប្រទេសអាល់ហ្សេរី។

ប្រធានាធិបតី លោក Abdelmadjid Tebboune កំពុងស្វែងរកអាណត្តិទីពីរ ដោយបានបញ្ជាក់ពីសមិទ្ធិផលរបស់លោក ទាំងលើឆាកក្នុងស្រុកនិងអន្តរជាតិ។ នៅក្នុងការប្រមូលផ្តុំបាតុកម្មនៅទីក្រុង Djanet និងទីក្រុងTebboune លោក បាននិយាយថាអាល់ហ្សេរី គឺជាប្រទេសខ្លាំងមួយនៅលើឆាកអន្តរជាតិ ជាពិសេសនៅក្នុងអង្គការសហប្រជាជាតិ។ លោកត្រូវបានគាំទ្រ នៅពេលដែលលោកនិយាយសំដៅទៅលើការថ្កោលទោសរបស់អាល់ហ្សេរី ចំពោះការសម្រេចចិត្តរបស់រដ្ឋាភិបាលបារាំងក្នុងការទទួលស្គាល់ផែនការស្វ័យភាពសម្រាប់តំបន់សាហារ៉ាខាងលិច «នៅក្នុងដែនអធិបតេយ្យភាពប្រទេសម៉ារ៉ុក» កាលពីខែកក្កដា។

លោក Cherif Abdelaali Hassani មេដឹកនាំចលនាអ៊ីស្លាមនិយមកណ្តាលនៃសង្គមដើម្បីសន្តិភាព (MSP) ក៏នឹងឈរឈ្មោះផងដែរ។

លោក Hassani មានគោលបំណងធ្វើឲ្យប្រសើរលទ្ធិប្រជាធិបតេយ្យ ពហុនិយម និងបរិយាកាសនយោបាយប្រកួតប្រជែង ក្នុងប្រទេសអាល់ហ្សេរី។

ការបោះឆ្នោត ដែលគ្រោងធ្វើនៅថ្ងៃទី៧ ខែកញ្ញា ឆ្នាំ ២០២៤ ត្រូវបានគេរំពឹងថានឹងក្លាយជាពេលវេលាដ៏សំខាន់ នៅក្នុងទិដ្ឋភាពនយោបាយរបស់ប្រទេសអាល់ហ្សេរី។