​អាហ្វហ្គានីស្ថាន៖ អភិបាលខេត្ត​ថ្មី​ដែល​បានតែងតាំង​ដោយ​ក្រុម​តា​លី​បង់​បាន​និយាយថា មន្ទីរ​រដ្ឋាភិបាលទាំងអស់នៅក្នុង​ខេត្ត Helmand របស់​ប្រទេស​អា​ហ្វ​ហ្គា​នី​ស្ថានកំពុង​គាំទ្រ​ឲ្យដំណើរការឡើងវិញ​ហើយ​។

អភិបាលខេត្ត​លោក Abdul Ahad បាន​និយាយ​នៅក្នុងបទសម្ភាសន៍នៅ​ទីក្រុង Lashkar Gah ថា មន្ទីរ​ទាំងអស់​កំពុង​ផ្តល់​សេវាកម្ម​។ ទីក្រុង Lashkar Gah គឺជា​សមរភូមិ​បង្ហូរ​ឈាម​បំផុត​មួយ​នៅក្នុង​ជម្លោះ ហើយ​ត្រូវបាន​ក្រុម​តា​លី​បង់ដណ្តើមបាន​នៅ​ថ្ងៃទី១៣ ខែសីហា​។ បច្ចុប្បន្ននេះ​លោក Ahad បាន​គ្រប់គ្រង​ខេត្ត​នេះ​ ដែល​លោកបានរស់នៅ​ជាច្រើន​ឆ្នាំ​ដោយ​លាក់ខ្លួន ខណៈ​កំពុង​ប្រយុទ្ធ​ជាមួយ​កងកម្លាំងសហរដ្ឋ​អាមេ​រិ​ក ​និង​អង់គ្លេស និង​សម្ព័ន្ធមិត្ត​របស់​ពួកគេ​។ លោក​បាន​និយាយថា មន្ទីរ​រដ្ឋាភិបាលទាំងអស់​នៅតែមាន​មុខងារចាប់ពី​ថ្ងៃ ដែល​ក្រុមតា​លី​បង់​បាន​ចូលកាន់​កាប់​តំបន់នេះ​។​

​ក្រុម​តា​លី​បង់​បាន​និយាយថា ស្ត្រី​នឹង​អាច​បន្ត​ការសិក្សា និង​ធ្វើការ​នៅ​ខាងក្រៅ​ផ្ទះ​បាន ដែល​សិទ្ធិ​ត្រូវបាន​បដិសេធ​ចំពោះ​ស្ត្រី​នៅពេលដែល​ក្រុម​សកម្មប្រយុទ្ធ​បាន​កាន់អំណាច។ លោក Ahad បាន​និយាយថា​ ក្មេងស្រី​នៅ​ខេត្ត Helmand នឹង​អាច​ចូលរៀន​បាន​ទៅតាមល័ក្ខខ័ណ្ឌ​នៃ​ច្បាប់ Sharia។ ប៉ុន្តែ​លោក​បាន​ច្រានចោល​ប្រព័ន្ធ​អប់រំដែល​គ្រប់គ្រង​ដោយរដ្ឋាភិបាល​មុន ដែល​លោក​និយាយថា បង្កើតឡើង​ដោយ​ជនបរទេស និង​រៀបចំឡើងដើម្បី​ផ្លាស់ប្តូរ​គំនិត​សិស្ស៕​

អត្ថបទ៖ ប៊ុនថន