កងកម្លាំងប្រដាប់អាវុធរបស់ប្រទេសហ្ស៊កដានី បាននិយាយកាលពីថ្ងៃចន្ទថា ខ្លួនបានអនុវត្តការទម្លាក់ជំនួយមនុស្សធម៌តាមយន្តហោះចំនួនពីរគ្រឿង ចូលទៅក្នុងតំបន់ហ្កាហ្សាស្ទ្រីប បន្ទាប់ពីបានផ្អាករយៈពេលជិតពីរខែ។

កងទ័ព បាននិយាយនៅក្នុងសេចក្តីថ្លែងការណ៍ថា ការទម្លាក់ជំនួយពីយន្តហោះ បានធ្វើឡើងនៅក្នុងតំបន់ជាច្រើន ដែលក្បួនរថយន្តតាមដីគោកពុំអាចទៅដល់ ដោយត្រូវបានបញ្ចប់ជាមួយនឹងយន្តហោះ C130 ចំនួនពីរគ្រឿង ពីកងទ័ពអាកាសភូមិន្ទហ៊្សកដានី។

របាយការណ៍បាននិយាយថា ចំនួនសរុបនៃការទម្លាក់ជំនួយតាមយន្តហោះដោយកងទ័ព ចូលទៅក្នុងតំបន់ហ្កាហ្សា បានកើនឡើងដល់១១៩លើក ចាប់តាំងពីការចាប់ផ្តើមជម្លោះរវាងអ៊ីស្រាអែល និងប៉ាឡេស្ទីន ខណៈការទម្លាក់ជំនួយតាមយន្តហោះបន្ថែមចំនួន២៦៦លើក ក្នុងការសហការជាមួយប្រទេសដទៃទៀត។

សេចក្តីថ្លែងការណ៍ បាននិយាយថា កងទ័ព បន្តផ្តល់ជំនួយមនុស្សធម៌ និងផ្នែកវេជ្ជសាស្រ្ត តាមរយៈក្បួនរថយន្តតាមដីគោកក្នុងកិច្ចសហប្រតិបត្តិការជាមួយអង្គការសប្បុរសធម៌ Jordan Hashemite ជាអង្គការមិនមែនរដ្ឋាភិបាលជាតិពហុមុខងារនិងមិនស្វែងរកប្រាក់ចំណេញ។