នៅថ្ងៃអង្គារនេះ នាយករដ្ឋមន្រ្តីឥណ្ឌាលោក Narendra Modi បានធ្វើដំណើរទៅដល់រាជធានី Bandar Seri Begawanប្រទេសប៊ុរយណេ ដើម្បីមាននូវជំនួបទ្វេភាគីជាមួយព្រះចៅស៊ុលតង់ Haji Hassanal Bolkiah ។

លោក Modi ត្រូវបានទទួលស្វាគមន៍យ៉ាងកក់ក្តៅ ដោយរជ្ជទាយាទប្រ៊ុយណេ ព្រះអង្គម្ចាស់ Haji Al-Muhtadee Billah ។ 

នេះគឺជាដំណើរទស្សនកិច្ចទ្វេភាគីលើកដំបូងពុំធ្លាប់ដែលមានរបស់នាយករដ្ឋមន្រ្តីឥណ្ឌាទៅកាន់ប្រទេសប៊្រុយណេ ។

ដំណើរទស្សនកិច្ចនេះដែរ គាប់ជួននឹងខួបលើកទី ៤០នៃការបង្កើតទំនាក់ទំនងការទូតរវាងប្រទេសទាំង ២ ។

លោក Modiនិយាយនៅក្នុងសេចក្តីថ្លែងការណ៍ចាកចេញ មុនដំណើរទស្សនកិច្ចរបស់លោកទៅកាន់ប៊្រុយណេ និងសិង្ហបុរីថា ស្របពេលដែលពួកយើងប្រារព្ធខួបរយៈពេល ៤០ឆ្នាំនៃទំនាក់ទំនងការទូតរបស់ពួកយើង លោកទន្ទឹងរង់ចាំជំនួបរបស់លោកជាមួយព្រះចៅស៊ុលតង់ Haji Hassanal Bolkiah និងសមាជិកកិត្តិយសផ្សេងទៀតនៃគ្រួសាររាជវង្ស ដើម្បីលើកកម្ពស់ទំនាក់ទំនងជាប្រវត្តិសាស្រ្តរបស់ពួកយើង ដល់កម្រិតថ្មី ។

លោក Modi នឹងបន្តដំណើរទស្សនកិច្ចរបស់លោកទៅកាន់ប្រទេសសិង្ហបុរីនៅថ្ងៃពុធស្អែកនេះ ៕