ការិយាល័យប្រឆាំងអំពើពុករលួយជាតិរបស់ប្រទេសអ៊ុយក្រែន (NABU) នៅថ្ងៃអង្គារ (ទី៣ ខែកញ្ញា) នេះ បាននិយាយថា ខ្លួនបានបញ្ចប់តំណែងអនុប្រធានទី១ របស់អង្គភាព ជុំវិញករណីសង្ស័យធ្វើឲ្យបែកធ្លាយព័ត៌មានខាងក្នុងស្ថាប័នដែលដឹកនាំកិច្ចខិតខំប្រឹងប្រែងរបស់ប្រទេសបេក្ខភាពសហភាពអឺរ៉ុប ដើម្បីដោះស្រាយអំពើពុករលួយ។

NABU បានឲ្យនៅលើកម្មវិធីផ្ញើសារ Telegram ថា គណៈកម្មាការវិន័យរបស់ខ្លួន បានរកឃើញថា អនុប្រធានបានធ្វើនូវសកម្មភាព «ដែលមានគោលបំណងបង្ខូចកិត្តិយសទាំងផ្ទាល់ខ្លួន និងវិជ្ជាជីវៈលើនិយោជិតការិយាល័យដែលដាក់ជូននូវកំណត់ចំណាំ អំពីការពិតដែលអាចកើតមាននៃការលេចធ្លាយព័ត៌មាន»។

តែយ៉ាងណាក្ដី ទីភ្នាក់ងារមិនបានផ្តល់ព័ត៌មានលម្អិតបន្ថែមទៀតទេ ហើយក៏មិនបានបញ្ចេញឈ្មោះបុគ្គលនោះដែរ។ លោក Gizo Uglava ត្រូវបានចុះបញ្ជីឈ្មោះនៅលើគេហទំព័ររបស់ស្ថាប័នថា ជាអ្នកកាន់តួនាទីនេះ ហើយលោកបានបង្ហោះសេចក្តីថ្លែងការណ៍នៅលើបណ្ដាញសង្គម Facebook ដោយបដិសេធមិនបានធ្វើអ្វីខុសឡើយ។

លោកស្រី Anastasia Radina ប្រធានគណៈកម្មាធិការប្រឆាំងអំពើពុករលួយរបស់សភា បានឲ្យដឹងនៅលើបណ្ដាញ Facebook ថា មន្ត្រីនេះត្រូវបានបណ្តេញចេញពីការងារ ដោយសារដាក់សម្ពាធលើអ្នកបញ្ចេញព័ត៌មាន ដែលបានរាយការណ៍ពីការលេចធ្លាយព័ត៌មានដែលអាចកើតមាន។

ប្រភពពីការអនុវត្តច្បាប់ បាននិយាយកាលពីខែឧសភាថា ការលេចធ្លាយនេះ បានសម្របសម្រួលការស៊ើបអង្កេតដ៏ល្បីមួយលើគម្រោងសាងសង់ផ្លូវដែលពាក់ព័ន្ធនឹងប្រាក់របស់រដ្ឋាភិបាល៕