ស្របពេលមានការផ្ទុះឡើងជំងឺអុតស្វា ឬMpox នៅទូទាំងពិភពលោក បច្ចុប្បន្ននេះ ប៉ាគីស្ថានបានរាយការណ៍ពីករណីឆ្លងទី៥ ហើយស្រុក ប៉េសាវ៉ា (Peshawar) កំពុងស្ថិតនៅលើផ្លូវរបស់ខ្លួនក្នុងការលេចចេញជាចំណុចកណ្តាលនៃការផ្ទុះជំងឺនេះ ខណៈប៉ាគីស្ថាន បារម្ភការកើនឡើងករណីឆ្លងបន្ថែមទៀត។

ទន្ទឹមនឹងនេះ ទ្វីបអាហ្រ្វិក ដែលជាទ្វីបរងគ្រោះខ្លាំងជាងគេ ពុំទាន់ទទួលបានវ៉ាក់សាំងនៅឡើយ។ ដើម្បីទទួលបានវ៉ាក់សាំងកាន់តែលឿន អង្គការUNICEF បានចេញការព្រមានបន្ទាន់មួយដោយសហការជាមួយមជ្ឈមណ្ឌលគ្រប់គ្រងជំងឺឆ្លងអាហ្រ្វិក CDC សម្ព័ន្ធវ៉ាក់សាំង Gavi អង្គការសុខភាពពិភពលោក អង្គការសុខភាពលោកប្រចាំទ្វីបអាមេរិក (Pan American) និងដៃគូផ្សេងទៀត។

លោកវេជ្ជបណ្ឌិត Shabana Saleem អគ្គនាយកសហព័ន្ធសុខភាពប៉ាគីស្ថានបាននិយាយថា នេះគឺជាករណីទី៥នៃការឆ្លងរាលដាលជំងឺ អុតស្វា ដែលបានរាយការណ៍នៅក្នុងប្រទេសប៉ាគីស្ថានក្នុងឆ្នាំនេះ និងលើកទី ៤ ចាប់តាំងពី WHOបានប្រកាសថាជំងឺអុតស្វា ជាភាពអាសន្នសុខភាពសកល។

ករណីទី ៥ ត្រូវបានរាយការណ៍កាលពីថ្ងៃទី២៩ ខែសីហា បន្ទាប់ពីបុរសអាយុ៤៧ ឆ្នាំ ដែលទើបត្រលប់មកពីតំបន់ឈូងសមុទ្រ បានធ្វើតេស្តវិជ្ជមានជំងឺនេះ។

ខណៈការរីករាលដាលជំងឺអុតស្វាកាន់តែធ្ងន់ធ្ងរនៅក្នុងទ្វីបអាហ្រ្វិក អង្គការ UNICEF បានចេញការបានប្រកាសភាពបន្ទាន់ជាច្រើននៃលទ្ធកម្មវ៉ាក់សាំងសម្រាប់ទ្វីបអាហ្រ្វិក។ ក្រៅពីប៉ាគីស្ថាន តំបន់អាស៊ីអាគ្នេយ៍ក៏បានរាយការណ៍ករណីឆ្លងជំងឺនេះផងដែរ ដូចជាប្រទេសថៃនិងហ្វីលីពីនជាដើម៕