ទីភ្នាក់ងារពន្លត់អគ្គិភ័យ បាននិយាយនៅថ្ងៃពុធនេះថា ចំនួនសំណើរបស់បុគ្គលិកសង្គ្រោះបន្ទាន់សុំឲ្យស្វែងរកមន្ទីរពេទ្យសម្រាប់អ្នកជំងឺ បានកើនឡើងទ្វេដង នៅឆ្នាំនេះ បើធៀបនឹងឆ្នាំមុន ស្របពេលមានការរំខានដល់បន្ទប់សង្គ្រោះបន្ទាន់ នៅទូទាំងប្រទេស។

មជ្ឈមណ្ឌលគ្រប់គ្រងគ្រាអាសន្នចំនួន ១១៩កន្លែង នៅទូទាំងប្រទេស បានជ្រើសរើសមន្ទីរពេទ្យ ដើម្បីផ្ទុកអ្នកជំងឺសង្គ្រោះបន្ទាន់ចំនួន ១,១៩៧នាក់ ចាប់ពីខែកុម្ភៈ ដល់ថ្ងៃទី ២៥ ខែសីហា ពោលគឺកើនឡើង ១៣១ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមភ្នាក់ងារពន្លត់អគ្គិភ័យ   ជាតិ។

មជ្ឈមណ្ឌលគ្រប់គ្រងគ្រាអាសន្នចំនួន ១១៩កន្លែង ជួយក្នុងការវាយតម្លៃភាពធ្ងន់ធ្ងរនៃស្ថានភាពអ្នកជំងឺ និងកំណត់ទីតាំងមន្ទីរពេទ្យ តាមការស្នើសុំពីអ្នកជួយសង្គ្រោះ ដែលមានទំនាក់ទំនងជាមួយសេវាសង្គ្រោះបន្ទាន់ចំនួន ១១៩កន្លែងរបស់ប្រទេសនេះ។

ពីមុន បុគ្គលិកសង្គ្រោះភាគច្រើន បានស្វែករកមន្ទីរពេទ្យដោយខ្លួនឯង ប៉ុន្តែពួកគេ កាន់តែងាកទៅរកមជ្ឈមណ្ឌលទាំងនេះសម្រាប់ជំនួយ ស្របពេលមានការរំខានដល់បន្ទប់សង្គ្រោះបន្ទាន់ទូទាំងប្រទេស ដែលបណ្តាលមកពីក្រុមគ្រូពេទ្យតវ៉ាប្រឆាំងនឹងការកែទម្រង់ផ្នែកវេជ្ជសាស្រ្តរបស់រដ្ឋាភិបាល។

ក្នុងអំឡុងពេលដូចគ្នាកាលពីឆ្នាំមុន ការជ្រើសរើសមន្ទីរពេទ្យ មានត្រឹមតែ ១,៨ភាគរយនៃបន្ទុកការងាររបស់មជ្ឈមណ្ឌលគ្រប់គ្រងគ្រាអាសន្នចំនួន ១១៩កន្លែង ប៉ុន្តែចំនួនសមាមាត្រនេះ បានកើនឡើងដល់ ៤,១ ភាគរយ នៅឆ្នាំនេះ។