ក្រុមអ្នកតស៊ូមតិ និងសមាជិកសហគមន៍បាននិយាយថា កំណើនការយល់ឃើញនៅកាណាដា ដែលថាអន្តោប្រវេសន៍គឺជាមូលហេតុត្រូវស្តីបន្ទោសចំពោះបញ្ហាសេដ្ឋកិច្ចមួយចំនួនរបស់ប្រទេសនេះ កំពុងជំរុញឱ្យមានប្រតិកម្មប្រឆាំងនឹងអ្នកក្រៅប្រទេស ដែលបញ្ជាក់ដោយការកើនឡើងនៃឧក្រិដ្ឋកម្មស្អប់ខ្ពើមដែលបានរាយការណ៍ប្រឆាំងនឹងជនដែលមានជាតិសាសន៍ផ្សេងពីជនជាតិកាណាដា។

ជាយូរមកហើយប្រទេសមួយដែលធ្លាប់មានមោទនភាពក្នុងការស្វាគមន៍អ្នកចំណូលថ្មី ពេលនេះកាណាដាកំពុងប្រឈមនឹងភាពគិតគូរកាន់តែខ្លាំងពីកំណើនដ៏លើសលប់នៃចំនួន “អ្នកស្នាក់នៅបណ្ដោះអាសន្ន” ដូចជានិស្សិត និងបុគ្គលិកអន្តរជាតិក្នុងប៉ុន្មានឆ្នាំចុងក្រោយនេះ។ 

ការស្ទង់មតិជាច្រើនបង្ហាញពីការកើនឡើងនៃសាធារណជនដែលជឿថាកាណាដាមានជនអន្តោប្រវេសន៍ច្រើនពេក ហើយមនុស្សជាច្រើនបានបន្ទោសពួកគេចំពោះវិបត្តិលំនៅដ្ឋានកាន់តែអាក្រក់ និងការកើនឡើងនៃតម្លៃចំណាយក្នុងការរស់នៅ។

នោះហាក់ដូចជាបានរួមចំណែកដល់ការធ្លាក់ចុះនៃប្រជាប្រិយភាពរបស់រដ្ឋាភិបាលសេរីនិយមសំឡេងភាគតិចរបស់លោកនាយករដ្ឋមន្ត្រី ចាស្ទីន ទ្រូដូ (Justin Trudeau)។ ការរីកចម្រើនជាក់ស្តែងនៅក្នុងមនោសញ្ចេតនាប្រឆាំងនឹងជនអន្តោប្រវេសន៍គឺផ្ទុយទៅនឹងការឯកភាពគ្នាជាយូរមកនៅកាណាដា ដែលថាប្រទេសនេះស្វាគមន៍អ្នកចំណូលថ្មីដោយហេតុផលមនុស្សធម៌ និងសេដ្ឋកិច្ច៕